Á Bientôt

Selfsorg

Kapasiteit: 6 mense
Inkloktyd: 14:00 tot 17:00
Uitkloktyd: 10:00
Adres: Seeduikerstraat 1, Die Kom 8, Paternoster, 7381, Wes-Kaap
Alle ouderdomme is welkom
Vanaf R1 650 per nag (plek vir 6)

Beskrywing

Á Bientôt is 'n bekoorlike selfsorgkothuis wat gerieflik in die kusparadys Paternoster geleë is, stapafstand vanaf die strand, restaurante en verskeie winkels.

Hierdie pragtige kothuis bied slaapplek aan 6 gaste en beskik oor 3 slaapkamers, 2 badkamers en 'n oopplan-kombuis, -eetarea en -sitarea. Dit is ook met 'n omsetter toegerus in die geval van kragonderbrekings. Die hoofslaapkamer het 'n koningingrootte-bed en 'n en suite-badkamer met 'n stort, wasbak en 'n toilet. Die tweede en derde slaapkamer het elk 2 enkelbeddens en dié gaste deel die aparte badkamer wat 'n stort, wasbak en 'n toilet het. Skoon linne en handdoeke word voorsien.

Die ruim kombuis is met 'n yskas-vrieskas, gasstoof, elektriese oond, mikrogolfoond, eetgerei, breekware, en tee- en koffiemaakgeriewe toegerus en het 'n eiland met stoele. Daar is ook 'n skottelgoedwasser, wasmasjien en 'n tuimeldroër. Die kombuis lei na die sitarea waar daar gemaklike rusbanke, 'n kaggel en 'n TV met sekere DStv-kanale is.

Die stoep het sitplek, braaigeriewe en 'n uitsig oor die see in die verte. Veilige parkeerplek is op die perseel beskikbaar.

Kry ’n Kwotasie