1201 Topaz

Selfsorg

Kapasiteit: 6 mense
Inkloktyd: 15:00 tot 23:00
Uitkloktyd: 09:00
Adres: Kusweg 170, Topaz 1201, Strand, 7140, Wes-Kaap
Alle ouderdomme is welkom
Vanaf R2 850 per nag (plek vir 6)

Beskrywing

1201 Topaz is 'n selfsorgwoonstel in 'n strandfrontkompleks in die bekende Kusweg in Strand. Dis net oorkant die strand en spog met 'n panoramiese see-uitsig.

Die woonstel het lugversorging en bied slaapplek aan 6 gaste. Dit beskik oor 3 en suite-slaapkamers en 'n gastetoilet. Die hoofslaapkamer het 'n koninggrootte-bed en 'n en suite-badkamer met 'n stort en 'n bad. Die tweede slaapkamer het 'n dubbelbed en 'n en suite-badkamer met 'n stort en die derde slaapkamer het 'n koningingrootte-bed en 'n en suite-badkamer met 'n stort-oor-bad. Alle linne en badhanddoeke word voorsien en gaste moet hul eie swemhanddoeke saambring.

Die hoofleefarea het 'n oopplan-uitleg met 'n kombuis, eetarea en leefarea. Die kombuis is met 'n gasstoof, elektriese oond, mikrogolfoond, yskas-vrieskas, eetgerei en breekware toegerus en daar is 'n toonbank met stoele. 'n Skottelgoedwasser, wasmasjien en 'n tuimeldroër is beskikbaar. Die kombuis lei na 'n etenstafel met sitplek vir 10 gaste en die sitarea het gemaklike sitplek en 'n slim-TV met Netflix en Showmax. Gratis, onbeperkte WiFi is beskikbaar.

Die eenheid het 2 balkonnne. Die agterste balkon het glaspanele wat 'n pragtige uitsig op die Helderberg en oor die gholfbaan bied. Die voorste balkon het 'n gasbraai en 'n ononderbroke uitsig oor die hele Valsbaai. Die woonstelblok het 24 uur-toegangsbeheer, veilige parkeerplek binne die gebou, 'n gemeenskaplike swembad, gimnasium en 'n stoomkamer.

Kry ’n Kwotasie