Bela-Bela Akkommodasie by 168 Zebula | LekkeSlaap

+37

168 Zebula

1 resensie

Selfsorg

Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Farm 534 Mabula, Zebula 168, Bela-Bela, 0480, Limpopo
Alle ouderdomme is welkom
Vanaf R4 600 per nag (plek vir 8)

Beskrywing

168 Zebula is 'n selfsorgvakansiehuis op die Zebula Gholflandgoed en Spa. Zebula bied 5-ster-gholflandgoed, natuurreservaat en gesondheidspa op 1600 ha-bosveld in die Waterberge se skadu.

Dié dubbelverdiepinghuis het slaapplek vir 8 en beskik oor 4 en suite-slaapkamers, 'n oopplan-kombuis, -sitkamer en -leefarea, 'n onderdakkuierarea, vuurput en swembad met 'n net.

Die eerste slaapkamer het 'n koninggrootte-bed, en die tweede, derde en vierde slaapkamer het elkeen 2 enkelbeddens. Elke kamer het 'n en suite-badkamer en lugversorging. Die sitkamer op die boonste verdieping het 'n platskerm-TV met DStv.

Die kombuis is volledig toegerus met 'n stoof, oond, yskas-vrieskas, wasmasjien, tuimeldroër, mikrogolf, potte en panne. Die leefarea het 'n etenstafel vir 8 en die ander sitkamer het 'n groot kaggel en ingeboude kroeg.

Die leefarea lei na 'n onderdakpatio met stoepmeubels. Die patio lei na 'n tuin en swembad. Daar is ook 'n boma met sitplek en 'n vuurput. Onderdakparkeerplek is beskikbaar. 'n Skoonmaakdiens is ingesluit, behalwe op openbare vakansiedae.

Kry ’n Kwotasie