2 Zebula Waterberg over the Savannah

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Plaas 534 Mabula, Zebula Gholflandgoed en Spa, Bela-Bela, 0480, Limpopo
Alle ouderdomme is welkom
Vanaf R3 800 per nag (plek vir 8)

Beskrywing

2 Zebula Waterberg over the Savannah bied luukse selfsorgverblyf en is op die toonaangewende Zebula Gholflandgoed en Spa geleë. Die landgoed is ongeveer 202 km vanaf O.R. Tambo Internasionale Lughawe en spog met verskeie ontspannings- en besigheidsgeriewe.

Hiérdie ruim dubbelverdiepinghuis bied verblyf aan tot 8 volwassenes en 2 kinders en beskik oor 4 en suite-badkamers en oopplan-leefruimtes en -vermaakareas. Elke slaapkamer het 'n koninggrootte-bed wat in twee enkelbeddens kan verander en elke kamer het 'n en suite-badkamer met 'n stort of 'n bad. 'n Slaapbank vir twee kinders onder 12 jaar is in die eerste leefarea.

Die volledig toegeruste kombuis het toebehore om maaltye voor te berei, asook 'n wasarea met 'n wasmasjien en 'n tuimeldroër. Die informele sitarea op die boonste verdieping het rusbanke, 'n TV met volle DStv-kanale en 'n kaggel; die sitarea lei na 'n speletjieskamer en 'n balkon.

Die tweede leefarea op die onderste verdieping het ook 'n TV met volle DStv-kanale en 'n kaggel en lei na die vermaakarea waar 'n plonspoel en boma braai-area is. Veilige onderdakparkeerplek is vir voertuie beskikbaar.

Gaste kan die 18 putjie-gholfbaan, restaurante en kroeë, 'n bekroonde spa, sport- en ander ontspanningsaktiwiteite besoek. Konferensie- en spanbougeriewe, 'n gimnasium, swembaddens en wildkyk op die landgoed is ook beskikbaar.

Kry ’n Kwotasie