24 Carpenter

Selfsorg

Kapasiteit: 4 mense
Inkloktyd: 15:00 tot 19:00
Uitkloktyd: 11:00
Adres: Carpenter 24, Pearly Beach Resort, Pearly Beach, 7220, Wes-Kaap
Alle ouderdomme is welkom
Vanaf R875 per nag (plek vir 4)

Beskrywing

24 Carpenter is 'n bekoorlike selfsorgwoonstel in die gesogte Pearly Beach Strandoord. Die huis is ideaal vir 'n gesin en bied vermaak vir oud én jonk.

Hierdie eiendom is geskik vir 4 gaste en het 2 slaapkamers en 2 badkamers. Elke slaapkamer het 'n dubbelbed en 'n en suite-badkamer met 'n stort, wasbak en 'n toilet. Linne en handdoeke word voorsien.

Die oopplan-kombuis het 'n yskas-vrieskas, stoof, oond, mikrogolfoond, eetgerei, breekware en tee- en koffiemaakgeriewe, asook 'n tafel met stoele. Daar is 'n skottelgoedwasser en 'n wasmasjien. Die kombuis lei na die sitarea wat gemaklike banke, 'n TV met Netflix en 'n binnebraai-area het.

Die huis het ook 'n klein omsetter sodat die TV en WiFi gedurende beurtkrag gebruik kan word.

Die leefarea lei na 'n groot grasperk langs die huis waar gaste onder die melkhoutbome kan uitspan. Daar is veilige parkeerplek op die perseel.

Die huis is ideaal geleë, net 'n kort entjie vanaf Pearly Beach se winkel waar gaste basiese benodighede kan aankoop. Dit is ook naby die speelparkie, wassery en die strand waar gaste kan swem en visvang.

Kry ’n Kwotasie