40 Six Avenue

Selfsorg

Langtermynverblyf-aanbod 15% af

Kry 15% af vir verblyf wat 15 nagte of langer is. Hierdie aanbod is altyd geldig.

Kapasiteit: 4 mense
Inkloktyd: 14:00 tot 19:00
Uitkloktyd: 10:00
Adres: 6de Laan 40, Shelley Point, St. Helenabaai, 7382, Wes-Kaap
Geen kinders onder 10
Vanaf ~~R1 050~~ R893 per nag (plek vir 4)

Beskrywing

40 Six Avenue is 'n selfsorg-vakansiewoonstel in Shelley Point in St. Helenabaai, 'n skilderagtige dorpie aan die pragtige Weskus. Hierdie verblyf is op 'n gholflandgoed geleë wat aan die strand front en bied maklike toegang tot ongerepte strande en opwindende aktiwiteite.

Dié tweeslaapkamerwoonstel bied slaapplek aan 4 gaste. Dit is op die eerste verdieping van die eienaar se huis geleë en het 'n aparte ingang. Die hoofslaapkamer het 'n dubbelbed en die tweede slaapkamer het 2 enkelbeddens. Die gaste in hierdie kamers deel 'n gastetoilet en 'n badkamer met 'n bad en 'n stort. Badhanddoeke word voorsien.

Die kombuis is met 'n yskassie, mikrogolfoond, tweeplaatstoof met 'n oondjie, broodrooster en 'n ketel toegerus. Hierdie woonstel het nie 'n leefarea nie, maar 'n knus sitarea met 'n TV is in die tweede slaapkamer beskikbaar. Gratis WiFi, 'n ingeboude braai in die tuin en parkeerplek vir 1 voertuig is beskikbaar.

Die landgoed het 'n uitstekende gholfbaan en die omliggende area bied geleenthede vir voëlkyk, voetslaan en watersport, en om die Kaapse veldblomme tydens die veldblomseisoen te bewonder. St. Helenabaai is ook vir sy diverse seelewe bekend en is 'n wonderlike plek vir walvis- en dolfynkyk.

Kry ’n Kwotasie