404 Ipanema Beach

Selfsorg

Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: Lagoon-rylaan 2, Ipanema Beach 404, Umhlanga Rocks, 4319, KwaZulu-Natal
Alle ouderdomme is welkom
Vanaf R1 941 per nag (plek vir 6)

Beskrywing

404 Ipanema Beach bied gerieflike selfsorgverblyf in 'n goed toegeruste woonstel in 'n kompleks in Umhlanga Rocks. Die kompleks is gerieflik geleë, stapafstand vanaf winkels, restaurante en die strand.

Die woonstel het slaapplek vir 6 gaste en beskik oor 3 slaapkamers. Al die slaapkamers het see-uitsigte en toegang tot die balkon wat reg rondom die woonstel strek. Die hoofslaapkamer het 'n koningingrootte-bed en die tweede en derde slaapkamer het elk 2 enkelbeddens. Die en suite-badkamer het 'n groot dubbelstort en die tweede badkamer het 'n bad en 'n stort.

Die kombuis het Caesarstone-werksoppervlaktes en is met 'n yskas, oond, stoof, mikrogolfoond, wasmasjien en skottelgoedwasser toegerus. Die leefarea het 'n leersitkamerstel in die hoek, 'n TV met HD PVR en die volle DStv-pakket. Die woonstel spog met 'n groot kuierarea wat na 'n stoep lei. Dit is die ideale plek om te ontspan en skemerkelkies te drink.

Die woonstel spog ook met gratis WiFi, lugversorging, plafonwaaiers en gasbraaigeriewe op die toegeboude stoep. Dit het ook 'n omskakelaar wat die ligte, TV en WiFi aandryf.

Gaste het toegang tot veilige parkeerplek en is welkom om die kompleks se gemeenskaplike swembad te gebruik. Daar is 'n hysbak om die woonstel, wat op die vierde verdieping is, te bereik.

Kry ’n Kwotasie