5 on Weste

Selfsorg

Kapasiteit: 4 mense
Inkloktyd: 14:00 tot 19:00
Uitkloktyd: 10:00
Adres: Weste-straat 5, Dwarskersbos, 7365, Wes-Kaap
Alle ouderdomme is welkom
Vanaf R1 750 per nag (plek vir 4)

Beskrywing

5 on Weste bied gerieflike selfsorgverblyf aan 4 gaste in Dwarskersbos en is 300 m vanaf die strand.

5 on Weste maak van sonkrag gebruik en sal dus nie deur beurtkrag beïnvloed word nie.

Die eenheid het ’n privaat ingang en beskik oor 2 slaapkamers, 'n badkamer, ’n kombuis, eetarea en sitarea. Die hoofslaapkamer het 1 koningingrootte-bed en die tweede kamer 2 enkelbeddens. Beide die kamers het plafonwaaiers wat met afstandbeheerders werk en deel die gebruik van ’n badkamer wat ’n instapstort, wasbak en toilet het. Die leefarea het 'n lugversorger.

Die oopplan-kombuis het ’n vierplaat-gasstoof, ’n elektriese oond, mikrogolfoond, yskas-vrieskas, elektriese groenteskiller en tee- en koffiemaakgeriewe. Etes kan by die etenstafel of op die stoep geniet word. Daar is ’n skottelgoedwasser en wasmasjien. Daar is 'n kluis vir waardevolle items.

Die sitarea het ’n TV met Netflix en gratis WiFi. 'n DStv-skottel is geïnstalleer en gaste kan hul eie dekodeerder saambring. Die sitarea lei na ’n ruim onderdakstoep met ’n ingeboude braai-area en see-uitsig. Daar is parkeerplek voor die eenheid.

Gaste kan op die strand ontspan, walviskyk in seisoen, of voëlkyk by die Rocherpan Natuurreservaat, waar daar ook wildeblomme is in die lente. Naby geleë dorpe sluit in Elandsbaai, Lambertsbaai noordwaarts en St Helena, Paternoster, Saldanhabaai, Langebaan en Darling suidwaarts.

Kry ’n Kwotasie