AC508 - On the Beach 43 Penthouse

Selfsorg

Kapasiteit: 5 persone
Inkloktyd: 09:00 tot 18:00
Uitkloktyd: 10:00
Adres: Sandpiperstraat, On The Beach-kompleks, Swakopmund, 0000, Erongo
Alle ouderdomme is welkom
Vanaf R2 250 per nag (plek vir 5)

Beskrywing

AC508 - On the Beach 43 Penthouse is 'n stylvolle selfsorg-dupleksdakwoonstel in die veilige On the Beach-kompleks 6 km vanaf Swakopmund se middedorp. Dié woonstel bied 'n pragtige uitsig oor die Atlantiese Oseaan en is naby die bekende Wreck Restaurant en die nuutgeboude Platz Am Meer-winkelsentrum.

Die woonstel het 'n ruim oopplan-leefarea met 'n pragtige uitsig. Die sitarea het 'n groot L-vormige bank, 'n platskerm-TV en 'n kaggel. Die kombuis en eetkamer het luukse afwerkings. Die kombuis is met 'n stoof, oond, yskas, mikrogolfoond en 'n toonbank met stoele toegerus.

Die eerste slaapkamer het 2 enkelbeddens en 'n en suite-badkamer met 'n stort, toilet en 'n wasbak. Die tweede slaapkamer het 'n dubbelbed en die derde slaapkamer het 'n enkelbed. Die tweede badkamer het 'n stort, toilet en 'n wasbak.

Daar is 'n tweede sit- en kroegarea op die tweede verdieping met 'n TV, wynyskas en 'n ysmasjien. Die kuirerarea het sy eie kombuis met 'n gasstoof en 'n skottelgoedwasser. Daar is 'n etenstafel met sitplek vir 8 in die eetarea. Die woonstel het 'n ingeboude gasbraai. Die groot glasskuifdeur lei na 'n veranda. Van daar af is daar trappe wat na 'n groot dek lei wat ideaal is vir vakansiegangers. Die dek is ideaal vir ontspanning met 'n boek of om net die pragtige see-uitsig te geniet.

Kry ’n Kwotasie