Alveston Manor

Gastehuis

Kapasiteit: 25 persone
Inkloktyd: 14:00 tot 21:00
Uitkloktyd: 10:00
Adres: Hexrivierstraat 21, Aerorand, Middelburg, 1050, Mpumalanga
Alle ouderdomme is welkom
Vanaf R1 840 per nag, vir 2 mense

Beskrywing

Welkom by die statigste huis, Alveston Manor, wat in die prentjiemooi dorpie, Middelburg, geleë is. Met só 'n tradisionele naam is dit duidelik dat ons instansie spreek van 'n elegante era en Engelse tradisies. Ons bied pragtige, ruim kamers vol klas en karakter. Alveston is vernoem na die Tudor Herehuis wat in Stratford Upon Avon in Engeland geleë is waar die eienaars vir jare gewoon het. Dis William Shakespeare se tuisdorp en die dorpie se bekoring het hierdie paartjie geïnspireer om hul gastehuis hier in Suid-Afrika met 'n verskeidenheid ingevoerde Engelse meubels en skilderye te versier.

Die Alveston Manor House bied 'n verskeidenheid dubbel-, 2-enkelbed- en gesinskamers, sowel as 'n Executive-kamers. Elke kamer is goed ingerig en bied vele dienste. Ons het ook 'n groot konferensiekamer met genoeg sitplek vir 70 afgevaardigdes. Ons tradisionele Manor-restaurant kan spyseniering vir tot 65 mense bied. Daar is oorgenoeg veilige parkering. Alveston Manor bied werklik alles wat jy nodig het vir sake, plesier en 'n luukse oornagplek.

Ons is halfpad tussen Johannesburg en Mbombela (Nelspruit) geleë op die Maputo Corridor. Dis die ideale ligging vir 'n oornagplek op pad na die Laeveld of Mpumalanga. Dit is ook gerieflik naby aan die Middelburg Mall en die N4-hoofweg. Vir die sakereisigers se gerief is ons naby aan al die hoof-industrieë, myne en kragstasies in die area ... tog is ons in 'n rustige, pragtige woonbuurt geleë.

Kry ’n Kwotasie