Amakhala Quatermain's Camp

6 gaste

1 slaapkamer

1 bed

1 badkamer

Slaapplek vir 6 gaste
Geen kinders
Inkloktyd: 13:00 tot 17:00
Uitkloktyd: 11:00
Amakhala Quatermain's Camp, Amakhala Game Reserve, Paterson, 6031, Oos-Kaap Sien kaart

Beskrywing

Amakhala Quatermain's Camp is in 'n beskutte vallei in die Addo-omgewing geleë. Dié toegeruste, ongekunstelde tentverblyf skuil tussen rantjies wat toegerank is met subtropiese plante. Dit is gemáák vir vakansiegangers wat op soek is na safari-verblyf uit 'n vervloë era. Ons 3 tente is ontwerp volgens die styl wat gewild was in die 1920's en al die detail spreek van hartlike gasvryheid.

Elke tent het slaapplek vir 2 mense. Een van die tente het 'n dubbelbed en die ander twee het elkeen 2 enkelbeddens. Elke tent het 'n en suite-badkamers met 'n spoeltoilet en 'n stort met warm water. Elke tent het 'n kas vir jou klere en 'n dekarea met 'n dak, 'n tafel en 2 stoele.

Saans word tradisionele Suid-Afrikaanse kos voorgesit in die sentrale boma onder 'n naghemel wat krioel van al die sterre.

Gaste kan op 'n Groot 5-safari gaan by die bekroonde Amakhala Wildreservaat of die wêreldbekende Shamwari Wildreservaat (wildritte by laasgenoemde moet bespreek word). Dit is 'n malariavrye omgewing. Begeleide wandelinge in die bos en voëlkyk-uitstappies saam met 'n kenner kan ook gereël word.

Bespreek