Austrey Lodge

Selfsorg

Winteraanbod 20% af

Kry 20% af (minimum twee nagte se verblyf). Geldig vir verblyf vanaf 1 Jun 2024 tot 5 Aug 2024.

Gratis kansellasie tot 24 uur voor jou verblyf!
Kapasiteit: 5 mense
Inkloktyd: 14:00 tot 19:00
Uitkloktyd: 10:00
Adres: Plaas 27, Austrey-plaas, Adelaide, 5760, Oos-Kaap
Alle ouderdomme is welkom
Vanaf ~~R1 550~~ R1 240 per nag (plek vir 5)

Beskrywing

Austrey Lodge is 'n rustige kothuis op die Austrey-plaas in die voorheuwels van die Winterberge, sowat 40 km vanaf Adelaide in die Oos-Kaap.

Die kothuis bied slaapplek aan 5 gaste en beskik oor 'n oopplan-uitleg met 'n dubbelbed, tripelstapelbed en 'n badkamer met 'n stort, toilet en 'n wasbak.

Die kombuisie is met 'n yskas, gasstoof, ketel en 'n verskeidenheid eetgerei en breekware toegerus.

Sneeu val soms hier, so gaste moet daarop voorbereid wees om gedurende die winter baie tyd voor die kaggel deur te bring. Die kothuis spog met 'n onderdakdek aan die voorkant met 'n warmbad en braaigeriewe. Van hiér af kan gaste die skilderagtige uitsig oor die foreldam bewonder, waar hulle kan visvang. Gaste kan ook die plaas verken en gaan stap, velddraf of bergfietsry. Voëlkyk-entoesiaste kan op die uitkyk wees vir die majestueuse kransaasvoël, witkruisarend en die pragtige bosloerie en Knysnaloerie om maar net 'n paar te noem.

Die plaas bied verskeie damme, elk met verskillende visspesies, waar gaste teen 'n ekstra koste kan visvang. Austrey Lodge is redelik ver vanaf die naaste winkels en gaste word aangeraai om al hul benodighede saam te bring.

Kry ’n Kwotasie