Baltimore

Selfsorg

Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: Oyster-rylaan 24, Boggomsbaai, Mosselbaai, 6500, Wes-Kaap
Alle ouderdomme is welkom
Vanaf R2 750 per nag, vir 6 mense

Beskrywing

Baltimore is 'n drieslaapkamerhuis wat uitkyk oor die see. Dit bied gerieflike selfsorgverblyf en is dit is naby aan die strand geleë in die klein kusdorpie, Boggomsbaai, net suid van Mosselbaai.

Dié huis het 3 slaapkamers, 'n badkamer met 'n bad en 'n stort, 'n aparte toilet en 'n oopplan-kombuis en eetarea. Die hoofslaapkamer het 'n
dubbelbed en die tweede en derde slaapkamers het elk 2 enkelbeddens. Daar is ook 'n kampbedjie. Die eetkamer-area het 'n eetkamertafel geskik vir 8 gaste en die kombuis is toegerus met 'n yskas, 'n mikrogolf, 'n oond en stoof, 'n broodrooster, 'n ketel, 'n wasmasjien en 'n tuimeldroër. Daar is 'n televisie met DStv. Die boonste balkon het pragtige uitsigte oor die see en gaste het ook toegang tot braaigeriewe en veilige parkeerplek.

Boggomsbaai is 30 km vanaf Mosselbaai geleë en nie te ver van Gouritsrivier af nie. Daar is nie winkels in Boggomsbaai nie, die naaste winkel is 9 km weg, in Vleesbaai. Die dorpie spog met 'n lang strand wat kilometers ver uitstrek, ideaal vir lang staptogte. As jy gelukkig is sal jy ook die voëllewe kan aanskou, spesifiek die Swarttobie, die tweede skaarste voël in Suid-Afrika. Hierdie deel van die kus is waar die
Swarttobie-staproete is. Dié staproete is 'n gewilde 5-dag staproete wat hoogaangeskrewe is regoor die wêreld, veral vir die see-uitsig en die
biodiversiteit op die roete.
Daar is talle besienswaardighede en aktiwiteite in en om Boggomsbaai, onder andere die Fransmanshoek Bosbewaringsgebied, die Tuinroete Wildsreservaat, die Tuinroete Nasionale Park, die Mosselbaai Gholfklub en walviskyk.

Kry ’n Kwotasie