Balule Bushveld Safari Lodge

Selfsorg

Kapasiteit: 12 mense
Inkloktyd: 14:00 tot 18:00
Uitkloktyd: 10:00
Adres: Staanplek 59, Balule, Phalaborwa, 1390, Limpopo
Alle ouderdomme is welkom
Vanaf R4 950 per nag, vir 2 mense

Beskrywing

Balule Bushveld Safari Lodge is in 'n privaat natuurreservaat geleë en vorm deel van die groter Krugerwildtuin naby Phalaborwa. Let asb. daarop dat daar geen heining tussen die reservaat en die Krugerwildtuin is nie. Die bestemming is die middelpunt van wildkyktoerisme en is 'n ideale basis vanwaar die Krugerwildtuin en talle natuurlike, historiese en kulturele besienswaardighede verken kan word.

Die lodge kan vir selfsorg, of met etes ingesluit bespreek word.

Dié verblyf bestaan uit 6 aparte grasdak-eenhede met slaapplek vir 2 gaste wat ideaal is vir 'n gesin of groep vriende wat op soek is na 'n rustige bosveld-wegbreek. Daar is 2 eenhede met koninggrootte-beddens en 4 eenhede met 2 enkelbeddens. Elke eenheid het 'n en suite-badkamer met 'n stort en ander geriewe sluit lugversorging, plafonwaaiers, 'n yskas en ingeboude kaste in. 4 van die eenhede kan in 2 gesinseenhede omskep word, wat elk 2 slaapkamers met tussendeure het. Dit kan vooraf gereël word.

Die losstaande leefarea het 'n kombuis en is apart van die kothuise. Die ruim kombuis is ten volle toegerus vir selfsorg en het 2 yskaste, 'n kisvrieskas, 2 gasstowe, dubbeloonde, broodrooster, ketel en 'n skottelgoedwasser. Die leefarea het 'n TV met DStv, 'n braai-area en 2 etenstafels. Die sitkamer het 'n lieflike dek met 'n boma en 'n uitsig oor die reservaat.

Gaste kan afkoel in die plonspoel of doendinge soos wildritte, wild- en voëlkyk op die plaas, of daguitstappies na die Krugerwildtuin geniet.

Daar is 1 wildrit per dag met ’n gekwalifiseerde veldgids in 'n wildritvoertuig. Daar is 2 watergate waar gaste gedurende die dag en nag van hulle dek af die diere kan dophou.

Kry ’n Kwotasie