Barrister House

Selfsorg

Kapasiteit: 10 persone
Inkloktyd: 15:00 tot 21:00
Uitkloktyd: 10:00
Adres: Erf 241, Clarens Golf and Leisure Estate, Clarens, 9707, Vrystaat
Alle ouderdomme is welkom
Vanaf R5 200 per nag, vir 10 mense

Beskrywing

Barrister House bied gerieflike selfsorgverblyf in 'n smaakvol versierde huis op die Clarens Golf and Leisure-landgoed. Dié huis het lieflike uitsigte op die omliggende berge. Barrister House is ideaal vir gesinne met kinders.

Barrister House beskik oor ‘n drieslaapkamerhuis en ‘n woonstel vir diegene wat op soek is na verblyf vir meer as 6 gaste. Die hoofhuis het 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n bad en 'n stort. Skuifdeure lei na 'n Jacuzzi-area. Die tweede kamer het 'n koningingrootte-bed en skuifdeure wat na 'n stoep lei. Die derde kamer het 2 enkelbeddens en skuifdeure wat na 'n privaat stoep lei. Die tweede badkamer het 'n toilet, stort, bad en 'n wasbak.

Die huis het 'n oopplan-kombuis, -sitarea en -eetarea. Daar is ook 'n aparte waskamer met 'n wasmasjien, tuimeldroër en 'n ysmaker. Die sitarea het 'n gaskaggel, lugversorging en 'n TV met volle DStv. Die eetarea het 'n eetkamertafel vir 8. Gaste kan op die stoep ontspan en die uitsig geniet. Die stoep het ingeboude braaigeriewe, 'n tafel en stoele vir 8. Die Jacuzzi is beskikbaar indien dit vooraf met die instansie gereël is.

Die woonstel onder het 'n lugversorgde slaapkamer met 'n koningingrootte-bed, 2 enkelbeddens en 'n enkelslaapbank. Daar is 'n badkamer met 'n bad en 'n stort. Die woonstel het ingeboude kaste en 'n goed toegeruste kombuisie. Die woonstel het sy eie ingang van buite af.

Gaste het toegang tot 'n outomatiese toesluitmotorhuis en 'n onderdakparkeerplek. Linne en badhanddoeke word voorsien en die beddens het elektriese komberse. WiFi is beskikbaar.

Die huis is met 'n gasstoof toegerus, en het 'n omsetter vir die ligte in die hoofhuis, die TV, DStv en WiFi.

Die ligging bied toegang tot die dorp met al sy restaurante, kuns en kultuur.

Kry ’n Kwotasie