Bazley Beach Holiday Home

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Lagoon-rylaan 21, Bazley Beach, Pennington, 4220, KwaZulu-Natal
Alle ouderdomme is welkom
Vanaf R3 250 per nag (plek vir 8)

Beskrywing

Bazley Beach Holiday Home is 'n bekoorlike en afgesonderde strandhuis net 300 m vanaf die strand. Dit bied selfsorgverblyf aan 2 klein gesinne of groep vriende.

Die huis bied slaapplek aan 8 gaste en beskik oor 4 smaakvolle slaapkamers, 2 badkamers, 'n kombuis, eetarea en leefarea sowel as 'n kuierarea. Die hoofslaapkamer het 'n koninggrootte-bed wat ook as 2 enkelbeddens opgemaak kan word. Die en suite-badkamer het 'n hoekbad, stort, wasbak en 'n toilet. Die tweede en derde slaapkamer het elk 'n dubbelbed. Die vierde slaapkamer het 2 enkelbeddens. Gaste in laasgenoemde slaapkamers deel 'n badkamer met 'n bad, stort, wasbak en 'n toilet. Linne word voorsien, maar gaste moet hul eie handdoeke saambring.

Die kombuis is met 'n yskas-vrieskas, stoof, oond, mikrogolf, basiese eetgerei, breekware, tee- en koffiemaakgeriewe en 'n skottelgoedwasser toegerus. Die aangrensende leefarea het gemaklike sitplek en lei na 'n eetarea. Die kuierarea het 'n kroeg, veerpyltjiebord en 'n TV met die volle DStv-pakket.

Die kuierarea lei na 'n onderdakstoep met buitesitplek en 'n onbelemmerde see-uitsig. Daar is ook 'n lowerryke tuin met ingeboude braaigeriewe, 'n plonspoel en 'n speelarea vir kinders. Veilige parkeerplek is op die perseel en agter 'n afstandbeheerde hek beskikbaar.

Kry ’n Kwotasie