Beachfront @ Stilbaai

Selfsorg

Gratis kansellasie tot 1 week voor jou verblyf!
Kapasiteit: 8 mense
Inkloktyd: 13:00 tot 23:00
Uitkloktyd: 13:00
Adres: Gordon-straat 44, Stilbaai-Oos, Stilbaai, 6674, Wes-Kaap
Alle ouderdomme is welkom
Vanaf R3 200 per nag (plek vir 8)

Beskrywing

Beachfront @ Stilbaai is 'n pragtige vakansiehuis op die onderste verdieping van die eienaar se huis in die bekende area van Stilbaai-Oos. Dit is ideaal vir 'n gesinsvakansie of 'n groep vriende aangesien dit net 50 m van die Blouvlagstrand af is en gaste net oor die duine kan stap met 'n sambreel en sonroom.

Die pragtige eiendom bied slaapplek aan 8 gaste en beskik oor 4 en suite-slaapkamers. Die hoofslaapkamer het 'n koninggrootte-bed en 'n en suite-badkamer met 'n bad en instapstort. Die ander 3 slaapkamers het elk 'n koningingrootte-bed en 'n en suite-badkamer met 'n stort. Twee van hierdie slaapkamers het elkeen 'n aparte ingang van buite af. Alle linne en badhanddoeke word voorsien, maar gaste moet asb. hul eie strandhanddoeke saambring.

Die leefarea het 'n oopplan-ontwerp en die kombuis is met 'n gasstoof, elektriese oond, mikrogolf, yskas-vrieskas, koffiemasjien, ysmasjien, eetgerei, breekware en 'n etenstafel met 8 stoele toegerus. Die waskamer het ook 'n wasmasjien. Die kombuis lei na 'n sitarea met gemaklike sitplek en 'n platskerm-TV met volledige DStv. Gratis WiFi is beskikbaar.

Daar is ook 'n binnebraai-area met gemaklike sitplek. Op warmer dae kan gaste die lieflike boma-area met braaigeriewe en 'n sambreel benut. Let asb. dat hierdie huis nie 'n see-uitsig het nie aangesien dit agter 'n duin skuil. Die huis is wel naby lieflike staproetes, winkels en restaurante.

Kry ’n Kwotasie