+49

Bella Villa

Selfsorg

Kapasiteit: 6 persone
Inkloktyd: 15:00 tot 19:00
Uitkloktyd: 10:00
Adres: Bovertrekstraat 1, St. Helenabaai, 7390, Wes-Kaap
Alle ouderdomme is welkom
Vanaf R4 600 per nag (plek vir 6)

Beskrywing

Bella Villa is 'n selfsorghuis teen die seefront in Midwest, St. Helenabaai. Die vakansiehuis bied slaapplek aan 6 gaste en het 'n pragtige see-uitsig vanaf die agterkant.

Dié huis beskik oor 3 slaapkamers, waarvan 2 van die slaapkamers 'n koninggrootte-bed en 'n en suite-badkamer met 'n see-uitsig het. Die hoofslaapkamer het lugversorging en die ander 2 slaapkamers het elk 'n plafonwaaier met 'n afstandbeheer. Al 3 slaapkamers het verwarmers teen die muur, elektriese komberse en haardroërs. Die badkamer het 'n stort en 'n bad en daar is 'n aparte toilet. Beddegoed, badhanddoeke, swemhanddoeke en opwaslappe word voorsien.

Die kombuis is volledig toegerus en het 'n watersuiweringstelsel, 'n skottelgoedwasser, gasstoof, elektriese oond, braairooster, ketel en 'n mikrogolfoond. Die waskamer het 'n wasmasjien en 'n tuimeldroër. Die oopplan-leefarea het 'n etenstafel met sitplek vir 8 gaste en 'n binnebraai. Die sitarea lei na die patio met windskerms wat kan op- en afrol, 'n buitebraai, 'n buitestort en 'n pragtige see-uitsig. Gaste het toegang tot gratis WiFi.

Daar is skadu-parkeerplek agter 'n hek op die perseel.

Kry ’n Kwotasie