Big Bay Beach Club 37

Selfsorg

Kapasiteit: 4 mense
Inkloktyd: 14:00 tot 20:00
Uitkloktyd: 10:00
Adres: Javalaan, Big Bay Beach Club 37, Bloubergstrand, 7441, Wes-Kaap
Alle ouderdomme is welkom
Vanaf R1 705 per nag (plek vir 4)

Beskrywing

Big Bay Beach Club 37 is ’n selfsorgwoonstel in Bloubergstrand, ’n voorstad wat met ’n pragtige uitsig op Tafelberg spog. Dis die ideale plek vir dié wat Kaapstad en omgewing wil verken. Die goue strand is heerlik vir watersport soos seilplankry en vlieërbranderry, en daar is ook ander doendinge soos vierwielmotorfietsry, voetslaan, inkopies, en uiteet in die omtrek.

Die woonstel bied slaapplek aan 4 gaste en het 2 slaapkamers, 1 badkamer en ’n oopplan-kombuis en -leefarea. Die hoofslaapkamer het ’n koningingrootte-bed en die tweede kamer het ’n enkelbed met ’n uittrekenkelbed onder. Die badkamer het ’n bad en stort, toilet en wasbak.

Die kombuis is volledig toegerus met ’n skottelgoedwasser, gasstoof, oond, yskas-vrieskas, mikrogolfoond, eetgerei en breekware. Daar is ook ’n toonbank met stoele. Die sitarea het gemaklike sitplek en ’n platskerm-TV met sekere DStv-kanale. Gratis WiFi word ook voorsien.

Die sitarea lei na ’n sonkamer met ’n tafel wat sitplek vir 4 het, en die sonkamer lei dan na ’n balkon met see- en berguitsigte, 2 sonstoele, 2 geweefde leunstoele, 'n geweefde bank met sitplek vir 2 en ingeboude braaigeriewe.

Kry ’n Kwotasie