+37

Blaaw Hoek

6 resensies

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Vonkfontein, Beaufort-Wes, 6970, Wes-Kaap
Alle ouderdomme is welkom
Vanaf R1 800 per nag(plek vir 4)

Beskrywing

Blaaw Hoek is 'n bekoorlike selfsorgkothuis wat ideaal is vir 'n romantiese wegbreek of 'n gesinsvakansie. Reisigers wat op soek is na die Karoo se ongerepte landskap en asemrowende sonsondergange en sterrenagte sal dié kothuis waardeer.

Dié kothuis het slaapplek vir 4 gaste en beskik oor 2 slaapkamers en 1 badkamer. Elke slaapkamer het 'n dubbelbed en die badkamer het 'n pootjiesbad. Daar is ook 'n buitestort.

Die kombuis is met 'n ketel, broodrooster, gasstoof, oond, gasyskassie, potte, panne, eetgerei, breekware en kookgerei toegerus. Die kothuis maak van sonkrag gebruik. Die leefarea het 'n kaggel. Buite is daar 'n onderdakstoep met sitplek en 'n plonspoel.

Gaste kan heerlik in die oggend op die plaas gaan wandel of 'n bergfietsroete aandurf. Kom skakel hiér af en asem die vars Karoo-lug in.

Kry ’n Kwotasie