Blue Mountain Bay

Selfsorg

Kapasiteit: 4 mense
Inkloktyd: 14:00 tot 19:00
Uitkloktyd: 11:00
Adres: Freesia-weg 47, Murdock Valley South, Simonstad, 7975, Wes-Kaap
Alle ouderdomme is welkom
Vanaf R1 500 per nag (plek vir 4)

Beskrywing

Blue Mountain Bay is geleë in Murdock Valley, Simonstad, op pad na Kaappunt. Dié dorp is bekend vir sy geskiedenis en tradisie, en veral ook vir Boulders Beach met sy bekende pikkewynkolonie. Die woonstel is ideaal vir paartjies, gesinne en reisigers.

Blue Mountain Bay is op die onderste verdieping en daar is permanente huurders op die boonste verdieping. Dit beskik oor 2 slaapkamers. Die hoofslaapkamer het 'n dubbelbed en 'n en suite-badkamer met 'n bad, 'n handstort, wasbak en toilet. Die tweede slaapkamer het 2 enkelbeddens wat op versoek as 1 bed opgemaak kan word, en daar is 'n stort, wasbak en 'n toilet in die tweede badkamer. Linne en handdoeke word voorsien.

Daar is 'n oopplan-eetarea en sitarea met 'n TV, DStv en WiFi. Die kombuis is met 'n mikrogolf, yskas-vrieskas, tweeplaatstoof, oond, ketel, breekware en eetgerei toegerus.

Die eenheid bied toegang tot 'n privaat tuin met 'n swembad. Gaste moet asseblief hul eie swemhanddoeke saambring. Die woonstel word deur 'n portaal en speletjiekamer met 'n pool-tafel, bordspeletjies en 'n klein biblioteek van die res van die huis geskei.

Daar is heelwat doendinge in die omgewing soos, bootvaarte, kajak, strande, museums, gholf, visvang en stap.

Kry ’n Kwotasie