Boscobel Cottages

Verfrissende skoon berglug en goeie fasiliteite 'n uitstekende kombinasie!

Dit was 'n voorreg om die eerste gas sedert Corona-virus grendeltyd begin het, in die Crown-huisie te wees. Margie en Annie het moeite gedoen om te help om in my spesifieke behoeftes te voorsien. Baie dankie vir die netjiese en goed ingerigte fasiliteite!

Pragtige area - beeldskone tuine. Baie vriendelike diens. Baie aangenaam diens. Puik!

Het heeltemal ons verwagtinge oorskry. Was 'n baie aangename ervaring. Sal beslis teruggaan.

Ideale verblyf vir 'n rustige wegbreek.

Die goedversorgde kothuis met alle nodige geriewe en die rustigheid van die pragtige tuin en omgewing skep die ideale agtergrond vir heerlike ontspan. Margie se beplanning en goeie bestuur is oral sigbaar in die fyn detail. Die wyse waarop sy mens tuis laat voel en jou belange op die hart dra, is beslis noemenswaardig. Vir die toeris, sowel as die sakereisiger wat bietjie van die geroesemoes wil wegkom, is Boscobel die ideale keuse. Ook vir die voëlkyker is Boscobel 'n uitstekende basis vanwaar 'n klomp verskillende habitats in die nabye omgewing verken kan word en hierin was die aanbevelings van Margie vir ons van groot waarde. Ons sal beslis weer hier 'n draai kom maak.

Boscobel is pragtig en meer as gerieflik.

Ek sal enigiemand aanbeveel om hier te oornag. Alles is baie luuks en netjies en die beskuit is heerlik!

Fantasties. Die omgewing is baie mooi.

Die huisies was baie netjies en keurig toegerus. As groot groep was die lodge ook tot ons beskikking en het ons baie lekker daar gekuier in die aande.

Uitstekend.

Sprokiesagtige ligging met alles en nog meer in die pragtigste tuin. Lekkerste beskuit wat ek in 'n lang tyd geproe het! Sal Boscobel met vrymoedigheid vir enige een kan aanbeveel.

Was baie aangenaam.

Was 'n goeie ervaring vir ons.

Knus versteekte plekkie met alles wat jy nodig het.

Knus oulike cottage weggesteek in die plantasie. Ten spyte van die koue en ryp deur die nag, was ons warm en versorg. Meer as genoeg warm komberse, verwarmers en aan die toppunt van die lys: kaggel met hout wat verskaf word. Ons het alles gehad wat ons nodig kon hê: vars melk, vars gefiltreerde water, tuisgebakte beskuit, verwelkomingssjokolade op die bed - het soos BBP gevoel! Ons is persoonlik verwelkom deur die eienares en sy was meer as bereid om te help met enige versoeke. Voorwaar 'n winterwonderland gewees. Sal enige tyd terugkeer vir wegsteek wegkom van die stad. Baie baie aangename plekkie!

Rus vir my siel.

'n Pragtuin met 'n baie rustige atmosfeer waar mens lekker kan kuier. Die behuising het alles in wat jy nodig sal hê.

Ongelooflik mooi en rustig!

Ongelooflike naweek, net wat 'n mens nodig het. Pragtige kothuise, smaakvol en was mal oor die "touch to detail". 'n Definitiewe moet om te sien!

Als was puik.

Goeie diens, waarde vir geld en vriendelike mense.

Wonderlike verblyf, rustig en lekker bederfies.

Dit was hemels. Die blyplek het 'n Engelse nostalgie. Lekker bederfies met aankoms. Kan dit regtig aanbeveel.

Eenhede is baie goed toegerus, skoon en netjies!

Ons het die naweek terdeë geniet. Die eenhede is smaakvol versier & volledig toegerus. Personeel is vriendelik en behulpsaam. Sal weer Boscobel besoek.

Really enjoyable.

Wonderful setting. Really special hostess, Margie. Thoroughly enjoyed our stay. The kitchen could have been a touch bigger but otherwise the rest of the accommodation was faultless.

Pretty and secluded venue.

Very pretty venue and very quiet and secluded.

'n Feetjiehuis in 'n lieflike tuin!

Wat 'n wonderlike plek, alles is daar en nog baie meer! Die kaggelvuur saans was 'n bederfie duisend asook die heerlike beskuit en elke dag se vars melk! Ongelooflike plek!

Puik verblyf in pragtige omgewing!

Baie dankie vir heerlike naweek verblyf by Boscobel. Skoon en netjies, heerlike kaggel met genoeg hout. Pragtige omgewing! Baie vriendelike ontvangs, ons sal beslis weer besoek!

Knus kothuise in 'n asemrowende omgewing.

Hierdie is die perfekte plek vir 'n wegbreek van die stad se lawaai. Die kothuise is goed toegerus en Margie en Annie maak seker dat jy die plaasgasvryheid ervaar met tuisgebakte beskuit en vars melk.

Lovely, neat, peaceful.

What a lovely stay. Friendly people. The garden is a peaceful, lovely place to be.

Mountain escape.

An excellent escape from the city in a clean, comfortable and tastefully decorated stone cottage. I would recommend it to couples or small families any time.

Heerlike naweek in 'n pragtige omgewing in 'n 5 ster verblyf!

Annie het ons ontmoet toe ons by Boscobel aangekom het en vinnig en duidelik alles aan ons verduidelik wat ons moes weet. Kort daarna het 'n baie vriendelike Margie die eienaar opgedaag. Die tuisgemaakte beskuit en "shortbread" en fles sherry was 'n bonus en die ekstra dingetjies het ons tuis laat voel. Die kothuis was smaaklik gemeubileer en daar was nie iets wat ons mee fout kon vind nie. Die ligte het uitgegaan a.g.v. 'n munisipale fout, maar dit is gou herstel deur 'n kragopwekker wat aangesit is. Die tuine was pragtig en die sagte, mistige reën het dit net soos die Midlands laat voel - heerlik koel.

Rus vir die siel.

Wat 'n heerlike verrassing. Dankie vir die sorg waarmee julle die fasiliteite beskikbaar stel.

I give Boscobel 5 *****

I will only rent it to one group at a time, were not able to use the TV and kitchen all the time because of other guests. The cottage kitchen is extremely small to cook a meal. The cottage was beautiful inside and outside. The personal touches gets 6 stars.

Absoluut pragtig, 'n versteekte juweel!

Alles wat mens nodig het en meer. Vriendelike diens. Super netjies en so mooi! Mens kan sien daar het baie dinkwerk en liefde in die kothuise in gegaan. Die tuin is ongelooflik! Sal dit beslis aanbeveel.

Alles was werklik uitstekend, blyplek, gasvryheid, omgewing.

Alles was werklik van uitstaande gehalte! Ons sal beslis weer gaan!

Fantasties - rustige stukkie hemel.

Hierdie huisies is so pragtig ingerig, baie skoon, netjies en het alles wat jy nodig het. Wonderlike kaggel wat so heerlik is vir die aand, als is net perfek. As jy wil wegbreek van als en almal, dan is hierdie die perfekte plek.

Was 'n heerlike omgewing en baie mooi, die grondpad is net bietjie lank (8 km) en as dit reën is dit baie moeilik.

Baie mooi plek en baie rustig, diens puik! Vuur aangesteek met hout wat voorsien was, heerlik. Beskuit en koffie met melk wat voorsien word maak alles baie lekkerder. Personeel baie behulpsaam en vriendelik. Saal met pool tafel was baie lekker vir kinders om in te speel so ook die Main Lodge.

Heilsaam.

Goed toegerus, veilig en baie netjies. Tuine baie mooi. Sal ook heerlik rustig in die winter wees met die kaggel en snoesige beddegoed.

Dit was 'n aangename verrassing ... 'n stukkie van die hemel!

Die aanwysings na Boscobel was baie akkuraat. Die eenhede is baie goed toegerus en knus. Groot waardering vir die heerlike tuisgemaakte beskuit, varsgemaalde koffie, smelt-in-die-mond brosbeskuit en duursame linne. Daar was genoeg hout vir die kaggels wat daagliks aangevul was. Ons het heerlik gekuier en die pragtige tuine en omgewing geniet.