Boskloof Swemgat

Selfsorg

Kapasiteit: 28 persone
Inkloktyd: 14:00 tot 19:00
Uitkloktyd: 10:00
Adres: Boskloof Swemgat, Boskloof, Clanwilliam, 8135, Wes-Kaap
Alle ouderdomme is welkom
Vanaf R1 190 per nag, vir 2 mense

Beskrywing

Boskloof Swemgat is sowat 10 km vanaf Clanwilliam in die Boskloofvallei, 'n pragtige, ongerepte area wat grens aan die Sederberg Wildernisarea. Die Jan Disselsrivier vloei deur die vallei en die plaas is vernoem na 'n gunsteling-rotspoel wat 'n perfekte swemgat in die rivier vorm.

Dié selfsorgverblyf bied hartlike plaasstyl-gasvryheid aan die oewer van die rivier met 'n uitsig op die omliggende berge. Verblyf is beskikbaar in 4 grasdakkothuise, 2 sinkdak-kothuise en 1 opslaankothuis, elk met kombuise wat volledig toegerus is, hul eie badkamers, bedlinne en handdoeke. Die meeste van die kothuise het 'n kaggel en elkeen het buitebraaigeriewe. Twee van die kothuisie het 'n privaat warmbad. Die kothuise het gratis, onbeperkte WiFi. Die rustige omgewing is ideaal vir diegene wat 'n bietjie werk wil afhandel.

Hout en tuisgemaakte produkte is te koop by die kiosk. Gaste kan swem of visvang in die helder rivier, bergfietsry of voetslaan. Kinders kan na die plaasdiere kyk en in die rivier speel. In die lentetyd is die hele landskap vol veldblomme. Boskloof Swemgat het 'n ryk voëllewe en sowat 1000 bome wat oor 11 hektaar versprei is.

Dit is die ideale bestemming vir gesinswegbreke, 'n romantiese naweek of om rus vir jou siel te kry. Daar is beperkte selfoonsein.

Kry ’n Kwotasie