Bosky Dell

Voeg by Gunstelinge

 

Beskrywing

Bosky Dell (beskutte plek) is waarskynlik een van die min versteekte wegkruipplekke in die Kaap. Die ligging is uiters uniek, reg bo die ikoniese Boulders-strand.

Hierdie groot plaashuis, met waenhuis en stalle inkluis, is in 1850 gebou en is omskep in ons 5 bekoorlike selfsorgkothuise. Bosky bied gerieflike, rustige, privaat, silwerskoon akkommodasie sonder fieterjasies.

Die ruim, privaat gronde skakel met Boulders-strand. Ons tuinhek lei direk na die strand. Dié wit baaitjie is gespikkel met enorme rotse wat 540 miljoen jaar oud is. Dit is wind-beskut en bied veilige plek om te swem waar jy nie hoef te bekommer oor haaie nie.

Buiten die plek se weergalose prag is die strand ook bekend as die tuiste van die unieke kolonie Brilpikkewyne wat hulle in 1982 hier tuisgemaak het. Hier kan jy regtig saam met die pikkewyne swem! Dis 'n natuurliefhebber se paradys, 'n plek waarheen gaste keer op keer terugkeer.

Ons nooi jou om by ons te kom uitspan. Gaan terug in tyd, ontspan, herlaai jou batterye.

Die hoofhuis bied slaapplek aan 6 gaste in 3 slaapkamers. Die hoodslaapkamer het 'n dubbelbed en die ander 2 kamers het elk 2 enkelbeddens. Die badkamer het 'n stort en wasbak. Daar is 2 aparte toilette. Daar is 'n sitkamer en eetarea, en 'n aparte kombuis. Die huis lei na 'n groot stoep wat uitkyk op die strand en die see. Die hoofhuis kan skakel met die B Kothuis vir groter groepe.

B Kothuis bied slaapplek aan 4 gaste in 2 slaapkamers. Die hoofslaapkamer het 'n dubbelbed en die tweede slaapkamer het 2 enkelbeddens. Daar is 'n aparte badkamer met 'n stort, wasbak en toilet. Die leefarea lei na 'n semi-privaat tuin met 'n terras en ingeboude braai. Die kothuis kan skakel word met die hoofhuis vir groter groepe.

Kothuis A bied slaapplek in 2 slaapkamers, een met 'n dubbelbed en die ander een met 2 enkelbeddens. Daar is 'n klein oopplan-leefarea met 'n sitkamer en kombuisie wat lei na 'n privaat balkonnetjie met 'n uitsig oor die see. Die kothuis het 'n sonkamer met 'n see-uitsig. Die aparte badkamer het 'n stort, toilet en wasbak

Die Stalle is 'n opplan-ateljee, ideaal vir paartjies. Dit bied 'n ongelooflike see-uitsig, selfs van die bed af! Daar is 'n aparte badkamer met 'n stort, wasbak en toilet. Die leefarea het 'n kombuis, eetkamer en sitkamer. Daar is 'n terras buite met 'n braai-area.

Die Koetshuis is uniek met 'n atlejee oor 'n laer oopplan-leefarea. Die leefarea bied 'n kombuisie, eetarea en sitkamer.

Al die huisies het klein platskerm-TV's, DStv (Easy View), boeke en tydskrifte.

Kenmerke

  •  Afrikaans
  •  Braaiplek
  •  Troeteldiere indien gereël
  •  Veilige Parkering
  •  Gratis WiFi

Aktiwiteite Naby

  •  Perdry
  •  Visvang
  •  Voëlkyk
  •  Wynproe
  •  Fietsry
  •  Begeleide Wandelpaaie
  •  Bergfietsroetes
  •  Swem
  •  Tennis

Betaalopsies op Perseel

  •  Visa
  •  Mastercard
  •  American Express
  •  Diners-kaart
  •  Kontant
  •  Elektroniese Fondsoorplasing

Geriewe

  •  Lughawe-pendeldiens Op Versoek
  •  Braaiplek
  •  Kombuisgeriewe
  •  Wasgoeddiens
  •  Geen Rook Binnenshuis
  •  Troeteldiere indien gereël
  •  Satelliet-TV
  •  Selfsorg
  •  Skoonmaakdiens Op Versoek
  •  Gratis WiFi
  •  WiFi

Hier praat ons

  •  Afrikaans
  •  Engels

Maaltye Aangebied

  •  Piekniekmandjies Op Versoek
  •  Etes Op Versoek

Parkeerplek

  •  Veilige Parkering
  •  Agter Elektriese Hek
  •  Parkering Van Die Straat Af

Kaart Meer oor die omgewing 

Gaste wat na Bosky Dell gekyk het, het ook belangstelling getoon in die volgende lekke plekke:

Vanaf R1 500 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za