Bradclin House

Selfsorg

Kapasiteit: 8 persone
Inkloktyd: 14:00 tot 18:00
Uitkloktyd: 10:00
Adres: Margaretlaan 20, Pinelands, Kaapstad, 7405, Wes-Kaap
Alle ouderdomme is welkom
Vanaf R1 000 per nag (plek vir 2)

Beskrywing

Bradclin House bied selfsorgverblyf in Pinelands, 'n boomryke voorstad van Kaapstad.

The Feathers Cottage is 'n ruim suite met 2 slaapkamers,q elk met 'n dubbelbed, 'n platskerm-TV en 'n lessenaar. Beide kamers het deure wat lei na die sonkamer wat op sy beurt weer lei na die tuin. Die badkamer het 'n bad en 'n stort en aparte toilet. Die goed toegeruste kombuis het 'n tweeplaatstoof en oondjie, mikrogolfoond, yskas-vrieskas, ketel, broodrooster, breekware en eetgerei. Daar is 'n verskeidenheid bordspeletjies en tydskrifte beskikbaar. Ander geriewe sluit paneelverwarmers, linne, handdoeke, 'n strykyster, strykplank, haardroër en kluis in.

The Captain's Cabin is 'n eenslaapkamerwoonstel met 'n dubbelbed en 'n aangrensende sitkamer met 'n kombuisie wat toegerus is met 'n mikrogolfoond, broodrooster, ketel, breekware en eetgerei. Die badkamer het 'n hoekbad en aparte stort. Daar is 'n privaat patio buite met 'n groot tafel met 4 stoele. Ander geriewe sluit in 'n TV met sekere DStv-kanale, linne, handdoeke, strykyster en -plank, haardroër en kluis. Hierdie suite het 'n privaat ingang, veilige parkeerplek en sy eie alarmstelsel.

The Pelican Post is 'n oulike, knus eenheid op die boonste vloer met 'n dubbelbed en gemaklike sitplek, 'n TV en ten volle toegeruste kombuisie. Die badkamer het 'n groot stort. Die eenheid bied 'n lieflike berg-uitsig, privaat ingang, eie alarmstelsel en absolute privaatheid. Dis nie geskik vir bejaardes nie a.g.v. die spiraaltrap en kinders word nie in hierdie eenheid toegelaat nie. Bradclin House is ongelukkig nie troeteldiervriendelik nie.

Gaste kan gerus gebruik maak van die rustige tuin. Die skoonmaakdiens hang af van hoe lank gaste se verblyf is en die beskikbare dae sal voorsien word. Die skoonmaakdiens is nie oor naweke en op openbare vakansiedae beskikbaar nie.

Bradclin House is sentraal geleë vir wittebroodspaartjies, vakansiegangers of sakereisigers, want die verblyf is naby aan plaaslike besigheidsentra en top-besienswaardighede.

Kry ’n Kwotasie