Gooderson Bushlands Game Lodge

Wildsplaas

Kapasiteit: 82 persone
Inkloktyd: 14:00 tot 19:00
Uitkloktyd: 10:00
Adres: Erfdeel H99, Bushlands-pad, Hluhluwe, 3960, KwaZulu-Natal
Alle ouderdomme is welkom
Vanaf R1 398 per nag, vir 2 mense

Beskrywing

Bushlands Game Lodge bied 'n ongelooflike Afrika-bosveld-ervaring. Hierdie pragtige lodge is die ideale basis vir gaste wat die Groot 5 wil sien. Dis só ontwerp om met die Zululand-omgewing saam te smelt, en word deur sowat 120 ha bosveld en wildreservaat omring.

Jy kan tuisgaan in luukse, elegante hout-chalets met lugversorging wat op stelte gebou is. Die chalets word verbind met verhoogde hout-loopvlakke wat na die hoof-eetkamer lei. Daar is ook 'n kroeg, swembad en boma. Al die kamers het privaat badkamers met storte. Daar is ook waaiers, telefone, lugversorging en tee- en koffiemaakgeriewe.

Die boma bied die perfekte kuierplek vir gaste om drankies om die vuur te geniet voor aandete, of om aan die einde van 'n heerlike dag te ontspan. Die inwonende sjef spesialiseer in watertandlekker wildsvleis-geregte. Maaltye kan in die hoof-eetkamer geniet word of, as die weer dit toelaat, onder die Afrika-sterre in die boma of op die swembaddek.

Ontmoet sebras, vlakvarke, kameelperde, njalas en impalas en ons oorvloedige voëllewe. Ontdek die fantastiese begeleide Njala-staproete, of besoek reservate soos Umfolozi, Hluhluwe, Mkuze, Ndumo, Sodwanabaai en die iSimangaliso-vleilandpark.

Kry ’n Kwotasie