By Oude Tol Farm

By Oude Tol Farm is op 'n bees- en skaapplaas in die Nuwekloofpas op pad na Tulbagh geleë. Dié plaas strek van die bergtop af tot by die Kleinbergrivier, die historiese tolpad tot by die treinspoor waarop die Shosholoza Meyl loop.

By Oude Tol Farm het 2 selfsorg-eenhede, Eike Droom en Bougain Villa. Gaste kan lekker gaan stap op die plaas en die melkery en die skape besoek.

Eike Droom het slaapplek vir 7 mense in 4 slaapkamers en daar is 2 badkamers. Die huis staan teen die berg. Daar is 'n heining, 'n groot eikeboom, en 'n boomhuis en sandput vir die jongspan. Ons voorsien vuurmaakhout en 'n braaiplek is beskikbaar.
<…

Sien meer

By Oude Tol Farm is op 'n bees- en skaapplaas in die Nuwekloofpas op pad na Tulbagh geleë. Dié plaas strek van die bergtop af tot by die Kleinbergrivier, die historiese tolpad tot by die treinspoor waarop die Shosholoza Meyl loop.

By Oude Tol Farm het 2 selfsorg-eenhede, Eike Droom en Bougain Villa. Gaste kan lekker gaan stap op die plaas en die melkery en die skape besoek.

Eike Droom het slaapplek vir 7 mense in 4 slaapkamers en daar is 2 badkamers. Die huis staan teen die berg. Daar is 'n heining, 'n groot eikeboom, en 'n boomhuis en sandput vir die jongspan. Ons voorsien vuurmaakhout en 'n braaiplek is beskikbaar.

Bougain Villa bestaan uit twee woonstelle: Bougain Villa Green en Bougain Villa Red. Daar is slaapplek vir 8 mense altesaam. Eersgenoemde het 'n ruim slaapkamer met 1 dubbelbed of 2 enkelbeddens, 'n volledige badkamer en 'n woonkamer met nog 'n bed. Die kombuisie is volledig toegerus met kookgerei, eetgerei en breekware en 'n eettafel met stoele.

Bougain Villa Red het slaapplek vir 4 gaste in 2 slaapkamers en daar is 'n badkamer met 'n stort en 'n bad. Verder is daar 'n oopplan-kombuis, en 'n eet- en leefarea met 'n kaggel en TV. 'n Glasdeur lei na die houtdek voor die huis.

Tulbagh is net 120 km van Kaapstad af. Een van Suid-Afrika se mooiste valleie is hier geleë en puik wyn, olywe en vrugte word in die omgewing verbou.