Cape Sands C2

Beskrywing

Hierdie stylvolle, moderne woonstel is in 'n veilige kompleks in die Strand geleë. Dit is net 'n hanetreetjie van die branderryplek af en net 'n klein entjie se stap vanaf Waterworld. Hierdie drieslaapkamerwoonstel het asemrowende uitsigte oor Valsbaai met Tafelberg en Kaappunt in die agtergrond.

Die woonstel is oopplan en beskik oor 'n kombuis en 'n leefarea. Die kombuis is volledig toegerus en die leefarea het gerieflike rusbanke, 'n TV met DStv en daar is 'n eetarea. Daar is 'n balkon met dekstoele en gaste panoramiese uitsigte op die Hottentots-Hollandberge en die Helderberg bewonder. Die hoofslaapkamer het 'n koningingrootte-bed en 'n en suite-badkamer, die tweede slaapkamer het 'n dubbelbed en 'n privaat balkon, en die derde slaapkamer het 2 enkelbeddens en 'n privaat balkon. Verder is daar nog 'n gedeelde badkamer met 'n stort, toilet, wasbak en 'n gaste-toilet.

Die woonstel het veilige onderdakparkeerplek. Al die nodige linne en badhanddoeke word voorsien. Bring net asb. jou eie swemhanddoeke. Gaste het ook toegang tot die verhitte swembad, sauna, stoomkamer, Jacuzzi, gimnasium en braaiplek op die perseel. 'n Skoonmaakdiens kan gereël word teen 'n addisionele koste.