Capri24

Selfsorg

Langtermynverblyf-aanbod 15% af

Kry 15% af vir verblyf wat 10 nagte of langer is. Geldig vir verblyf vanaf 2 Apr 2024 tot 3 Apr 2026.

Kapasiteit: 2 persone
Inkloktyd: 14:00 tot 17:00
Uitkloktyd: 09:00
Adres: Kusweg 49, Amanzimtoti, 4126, KwaZulu-Natal
Alle ouderdomme is welkom
Vanaf ~~R790~~ R672 per nag (plek vir 2)

Beskrywing

Capri24 bied gerieflike selfsorgverblyf in 'n woonstel met 'n uitsig oor die promenade en see en wat smaakvol versier is en op die seefront van Amanzimtoti geleë is.

Die woonstel is op die tweede verdieping en word via trappe of 'n hysbak bereik. Dit is geskik vir 'n paartjie met slaapplek vir 2 kinders op gemaklike matrasse wat in die sitarea opgemaak kan word. Daar is ekstra komberse en kussings in die kaste, maar gaste moet asb. hul eie linne en kussings vir hul kinders saambring. Die hoofslaapkamer het 'n koningingrootte-bed, 'n spieëltafel en platskerm-TV. Die badkamer het 'n bad en stort met relings en handseep en handdoeke word voorsien. Daar is ook 'n droograk.

Die kombuis is met 'n yskas, oond, stoof, mikrogolfoond, eetgerei, breekware en tee- en koffiemaakgeriewe toegerus. Daar is 'n outomatiese rugsteunlig in die kombuis vir wanneer beurtkrag inskop. Die leefarea het 'n platskerm-TV, 2 kantoorstoele met 'n lessenaar.

Ander geriewe sluit lugversorging in die hoofslaapkamer en leefarea, 50 Mbps-WiFi, 'n strykyster met 'n -plank en groot vensters met gordyne. Daar is 2 slim-TV's met toegang tot Netflix en DStv, maar gaste moet hul eie DStv-dekodeerder en -slimkaart saambring.

Die woonstel is met veiligheidstralies en 'n Trellidor beveilig.

Daar is 6 houtvuur- en steenkoolbraaie by die woonstel op die eerste verdieping se dek. Verder is daar tafels en bankies met 'n stort om die sand en seewater af te spoel. Op die derde verdieping is daar 'n wasgoedlyn.

Gaste het toegang tot veilige parkeerplek vir 1 voertuig, maar 'n tweede en derde plek kan op versoek vooraf gereël word, indien beskikbaar.

Die area bied winkelsentrums, winkels, restaurante, 'n Waterworld en sportgeriewe alles minder as 10 minute se stap ver. Die Parkrun-roete van 5 km begin minder as 5 minute se stap ver en kronkel verby die woonstel se promenade tot by die eindsirkel, en terug. Daar is 'n bergfietsroete minder as 5 minute se fietsry ver, aan die ander kant van die sportvelde en muurbal- en tennisbane.

Kry ’n Kwotasie