Casa la Mer

Voeg by Gunstelinge

 

Beskrywing

Casa la Mer is 'n selfsorghuis in Broederstroom wat teen die hange van die Magaliesberge lê en uitkyk oor die Hartbeespoortdam.

Dié dubbelverdiepinghuis is in 'n stil en rustige omgewing geleë en bied asemrowende berg- en dam-uitsigte. Die huis beskik oor 2 slaapkamers wat elkeen beskik oor 'n en suite-badkamer, en daar is 'n ekstra solder-gedeelte. Elke en suite-badkamer is ingerig met 'n bad en stort. By Casa la Mer kan 8 mense gemaklik slaap en daar word slaapplek vir maksimum 10 mense gebied. Die eerste slaapkamer het 'n koninggrootte-bed, die tweede slaapkamer beskik oor 2 driekwartbeddens, en die solder-area is ingerig met 4 driekwartbeddens, 'n rusbank en klerekas. Geen beddegoed word voorsien nie, maar beddegoed kan versoek word teen 'n addisionele koste.

Die leefarea is oopplan en die kombuis is toegerus met 'n yskas-vrieskas, 'n mikrogolfoond, 'n stoof, 'n oond en oorgenoeg breekware en eetgerei vir 10 mense. Die leefarea het ook 'n gemaklike leer-hoekrusbank, 'n kaggel en 'n TV met volledige DStv. Die leefarea bied toegang tot 'n stoep met ingeboude braaigeriewe.

Casa la Mer spog met 'n verhitte swembad en buite-braaigeriewe. Die eiendom is ook veilig met 'n alarmstelsel en elektriese heining.

Parkeerplek vir 4 voertuie, afhangende van hul grootte, is beskikbaar. Daaglikse skoonmaakdienste kan op aanvraag en teen ekstra koste gereël word. Dié instansie is troeteldiervriendelik en gaste kan gerus hul dierekinders saambring. Gaste kan ook heerlik op die perseel voëlkyk, visvang, voetslaan, bootvaarte onderneem of die 4x4-roetes aandurf.

Die omliggende area bied 'n groter verskeidenheid buitelug-doendinge soos voetslaanroetes, bergklim, perdritte, en gholf by die Pecanwood Country Club, die Magaliespark Gholfbaan, of die Eco Seasons-oord. Adrenalienvrate sal ook bly wees om te hoor dat mens in die omgewing kan abseil, vierwielmotorfietse ry, mikroligtevliegtuigvlugte onderneem, valskermsweef, die Magaliesberg-boomtoptoere se Zipline aandurf, of die Bill Harrops warmlugballon-safari's op die proef stel.

Slaapplek

'n Bespreking by Casa la Mer sluit in:

Slaapkamer 1 - Huisves 2 persone
1 x Koninggrootte-bed

Slaapkamer 2 - Huisves 2 persone
2 x Enkelbed / Driekwartbed

Area 1 - Huisves 4 persone
4 x Enkelbed / Driekwartbed

Kenmerke

  •  Afrikaans
  •  Swembad
  •  Braaiplek
  •  Troeteldiere indien gereël
  •  Veilige Parkering

Aktiwiteite Naby

  •  Visvang
  •  Voëlkyk
  •  Fietsry
  •  Bergfietsroetes
  •  Swem

Aktiwiteite op perseel

  •  Visvang
  •  Voëlkyk
  •  Fietsry
  •  Swem

Badkamer

  •  Bad
  •  En-suite
  •  Stort

Betaalopsies op Perseel

  •  Kontant
  •  Elektroniese Fondsoorplasing

Elektriese Toebehore

  •  Yskas
  •  Strykyster
  •  Mikrogolfoond
  •  Oond
  •  Stoof

Geriewe

  •  Swembad
  •  Braaiplek
  •  Kombuisgeriewe
  •  Troeteldiere indien gereël
  •  Selfsorg
  •  Skoonmaakdiens Op Versoek

Hier praat ons

  •  Afrikaans

Kamergeriewe

  •  Lugversorging
  •  Elektriese kombers
  •  Kaggel

Konferensie geriewe

  •  Lugversorging

Parkeerplek

  •  Veilige Parkering
  •  24-Uur Sekuriteit
  •  Agter Elektriese Hek

Vermaak

  •  Eksklusiewe DSTV
  •  TV

Kaart Meer oor die omgewing 

Gaste wat na Casa La Mer gekyk het, het ook belangstelling getoon in die volgende lekke plekke:

Vanaf R2 000 per nag (plek vir 8)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]