Castelton

Selfsorg

Kapasiteit: 8 mense
Inkloktyd: 14:00 tot 17:00
Uitkloktyd: 10:00
Adres: Castleton 31, Piesangvalleiweg, Plettenbergbaai, 6600, Oos-Kaap
Alle ouderdomme is welkom
Vanaf R2 200 per nag (plek vir 8)

Beskrywing

Castelton is 'n lieflike selfsorg-eenheid in die hartjie van Plettenbergbaai en is ideaal vir 'n groot gesin of 'n groep vriende.

Hierdie drieverdiepinghuis het slaapplek vir 8 gaste en beskik oor 4 slaapkamers en 4 badkamers. Die hoofslaapkamer, met sy koninggrootte-bed en en suite-badkamer met 'n bad, is op die eerste verdieping. Die ander kamer op hierdie verdieping het 'n dubbelbed en 'n en suite-badkamer met 'n stort. Die derde slaapakmer is op die tweede verdieping en het 'n dubbelbed en 'n en suite-badkamer met 'n bad.

Daar is 2 enkelbeddens in die vierde slaapkamer op die grondverdieping en die vierde badkamer, ook op hierdie verdieping, het 'n stort. Linne en badhanddoeke word voorsien, maar gaste moet hul eie swemhanddoeke saambring.

Die kombuis is ook op die grondverdieping en is met 'n stoof, oond, mikrogolf, yskas-vrieskas, koffiemasjien, eetgerei en breekware toegerus. Daar is ook 'n skottelgoedwasser, 'n wasmasjien en 'n tuimeldroër. Die formele sitarea en die eetarea is op hierdie verdieping en het 'n TV met 'n vol DStv-pakket. Die heel boonste verdieping spog met die braaikamer en nog 'n etenstafel, 'n gasbraai en nog 'n TV met 'n vol DStv-pakket.

Gaste het toegang tot veilige parkeerplek by die huis, asook toegang tot al die gemeenskaplike geriewe op die perseel soos die 2 swembaddens, 'n speletjieskamer, putt-putt-baan en tennisbane. Die middedorp, restaurante, skole, hospitale en belangrike geriewe is nie meer as 2 km ver nie.

Kry ’n Kwotasie