Chameleon Bush Lodge

Voeg by Gunstelinge

 

Beskrywing

Die Chameleon Bush Lodge is sentraal geleë in die Dinokeng Wildreservaat in Gauteng waar die Groot 5 nog vrylik rondloop. Kom ervaar luukse en gerieflike verblyf in 'n natuurlike omgewing waar jy begeleide boswandelinge en wildritte kan meemaak. Die unieke lodge maak sy leuse 'n werklikheid: "Die geroesemoes van die daaglikse lewe hou hier op!"

Die lodge het 5 verskillende chalets. Elke ateljee-styl chalet het 'n unieke kleurskema, moderne toestelle en goed ingerigte en suite-badkamers. Die chalets is ingerig met 2 ekstra-lengte enkelbeddens oorgetrek in gehalte-linne, volledig toegeruste kombuise met yskas-vrieskaste, gasstowe en oonde, mikrogolfoonde, eetgerei en breekware vir 4 mense en TV's met 'n gesinspakket DStv. Al die eenhede beskik oor lugversorging. Die en suite-badkamers het storte, baddens, wasbakke en toilette. Die 2 gesinseenhede beskik oor 2 ruim en suite-slaapkamers, 'n kombuisie wat goed toegerus is, eetarea, patio met ingeboude braai en 'n vuurput in die tuin. Elke slaapkamer het 'n skuifdeur wat lei na die tuin, asook 'n buitestort.

Gaste sal die lieflike uitsigte geniet vanuit elke hoekie van die chalet. Die badkamer (deur enkelrigting-glas), ontbythoekies en patio's sorg almal vir uitstekende uitsigte oor die omliggende area.

Jy kan uitstap op die patio en gebruik maak van die lekker, ingeboude braaigeriewe of jy kan ontspan op die pasgemaakte patio-meubels van hout. In die tuin is daar 'n lapa met sementbankies, 'n sentrale vuurput en 'n sementtafel onderdak.

Vir ekstra gemoedsrus is die perseel beveilig met 'n elektriese heining, 'n afstandbeheerde hek en die eenhede het elk 'n elektroniese kluis vir 'n skootrekenaar.

Bo en behalwe die groot verskeidenheid voëls is die perseel ook die tuiste van springhase wat vreeslik aktief is vroegaand. Gaste kan op begeleide boswandelinge of wildritte gaan. Dit word aangebied deur Mogena Game Lodge. Of jy kan net bespreek by enige van die ingangshekke en self ry.

Kenmerke

  •  Afrikaans
  •  Swembad
  •  Braaiplek
  •  Veilige Parkering

Aktiwiteite Naby

  •  Visvang
  •  Groot 5
  •  Voëlkyk
  •  Wildritte
  •  Wildkyk
  •  Begeleide Wandelpaaie

Aktiwiteite op perseel

  •  Groot 5
  •  Voëlkyk
  •  Wildritte
  •  Wildkyk

Betaalopsies op Perseel

  •  Kontant
  •  Elektroniese Fondsoorplasing

Geriewe

  •  Swembad
  •  Begeleide Wildritte as Ekstra
  •  Braaiplek
  •  Kombuisgeriewe
  •  Geen Rook Binnenshuis
  •  Persoonlike Kluis
  •  Selfsorg
  •  Daaglikse Skoonmaakdiens

Hier praat ons

  •  Afrikaans
  •  Engels

Parkeerplek

  •  Veilige Parkering
  •  Agter Elektriese Hek

Kaart Meer oor die omgewing 

Gaste wat na Chameleon Bush Lodge gekyk het, het ook belangstelling getoon in die volgende lekke plekke:

Vanaf R850 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false