+141

Cheerio Gardens

22 resensies

Selfsorg

Kapasiteit: 10 persone
Inkloktyd: 14:00 tot 17:00
Uitkloktyd: 10:00
Adres: Cheerio Gardens, L4.2 Pad (langs die R71), Magoebaskloof, 0730, Limpopo
Alle ouderdomme is welkom
Vanaf R1 400 per nag (plek vir 4)

Beskrywing

Cheerio Gardens bied selfsorg-verblyf in Magoebaskloof. Dit is net 3,5 km vanaf die R71 tussen Tzaneen en Polokwane en net 8 km van die dorpie Haenertsburg af. Cheerio Gardens bied ontspannende en gerieflike verblyf op 'n plaas, en is ideaal vir alle besoekers wat hulle batterye wil herlaai.

Verblyf word gebied in selfsorgkothuise wat onderskeidelik slaapplek het vir 4 tot 6 gaste. Alle beddegoed word voorsien, maar gaste moet asb. hul eie handdoeke saambring. Elke kothuis se kombuis is met eetgerei, breekware en kookgerei toegerus. Elke kothuis het braaigeriewe buite en 'n kaggel binne. Die kothuise word daagliks tussen 09:00 en 10:00 skoongemaak.

Buiten die ongereelde geluid van 'n kettingsaag op die plaas langsaan, die plaaswerkers wat vir mekaar fluit in die vallei en die rustige Samango-ape wat van boom na boom spring, is daar nie 'n rustiger plek as dié nie.

Doendinge op die perseel sluit staproetes, voetslaanroetes, voëlkyk, bergfietsroetes en piekniek in. Daar is ook 'n restaurant en trou-venue op die perseel. Let asb. op dat selfoonsein op die plaas beperk is. WiFi is in die restaurant beskikbaar, maar nie in die kothuise nie.

Kry ’n Kwotasie