Clarens Eddies

Selfsorg

Spesiale Aanbod 10% af

Kry 10% af. Geldig vir verblyf vanaf 6 Des 2023 tot 31 Des 2023.

Kapasiteit: 16 persone
Inkloktyd: 14:00 tot 19:00
Uitkloktyd: 10:00
Adres: Hoofstraat 176, Clarens, 9707, Vrystaat
Alle ouderdomme is welkom
Vanaf ~~R699~~ R629 per nag (plek vir 2)

Beskrywing

Clarens Eddies bied gehalte-verblyf in die Oos-Vrystaatse dorp Clarens. Die verblyf is ideaal vir naweekbesoekers, gesinne en vriende. Dit is lekker naby die middedorp met verskeie winkels, restaurante, galerye, doendinge en besienswaardighede.

Verblyf word gebied in 3 selfsorg-eenhede en 2 kamers. Die Santa-eenheid het slaapplek vir 2, June het slaapplek vir 4 en Anki is groot met slaapplek vir 6. Elke eenheid het ‘n privaat ingang en ‘n en suite-badkamer met ‘n stort. Linne, handdoeke en warm komberse word voorsien.

Elke kamer het ‘n platskerm-TV met sekere DStv-kanale, haardroër, yskassie, mikrogolf en tee- en koffiemaakgeriewe. Daar is ook opwasmiddel, vadoeke, toiletpapier, insekafweermiddel, lugverfrisser, seep en sjampoe.

Gratis, onbeperkte WiFi met 2 WiFi-versterkers is beskikbaar. Daar is ook veilige parkeerplek op die perseel.

Clarens Eddies is ‘n paar minute se stap vanaf ‘n berg met waterstroompies, ‘n dam en voetslaan- en bergfietsroetes in die Clarens Village Natuurreservaat. Begeleide bergstaptogte word deur Clarens Eddies se eienaar gebied, wanneer moontlik. Die gastehuis voorsien ook hul eie water en elektrisiteit.

Kry ’n Kwotasie