Clarens On Collett

Selfsorg

Langtermynverblyf-aanbod 30% af

Kry 30% af vir verblyf wat 30 nagte of langer is. Hierdie aanbod is altyd geldig.

Kapasiteit: 6 mense
Inkloktyd: 14:00 tot 20:00
Uitkloktyd: 10:00
Adres: Collettstraat 17, Clarens, 9707, Vrystaat
Alle ouderdomme is welkom
Vanaf ~~R1 100~~ R770 per nag (plek vir 2)

Beskrywing

Clarens On Collett is in die bekoorlike dorpie Clarens, in die Vrystaat geleë. Verblyf is beskikbaar in 2 eenhede naamlik die Clarinet-woonstel met slaapplek vir 2 gaste en Cello-kothuis met slaapplek vir 4 gaste. Albei eenhede is modern en helder en smaakvol versier. Beide eenhede is op 'n perseel van 3000 m² met pragtige tuine en 'n pragtige berguitsig. Dit is ongeveer 1 km vanaf die middedorp in die rustige Kloof-area van Clarens. Die verblyf is op die Park Run-roete en stapafstand van die dorpsvierkant en die Natuurreservaat af.

Clarinet-woonstel is 'n privaat eenheid met 'n nuut-opgeknapte kombuis, slaaparea, klein eetarea en 'n en suite-badkamer. Daar is ook 'n stoep met braaigeriewe en 'n skadudakkie wat teruggetrek kan word sowel as stoepmeubels vanwaar gaste die pragtige berguitsig kan geniet. Daar is 'n aparte oprit en die woonstel word bereik via trappe wat lei na die balkon.

Cello-kothuis is 'n splinternuwe en lekker knus tweeslaapkamerkothuis met 2 badkamers. Dit is agter die hoofhuis en bied 'n pragtige uitsig. Die kombuis is goed toegerus en die kothuis het ook 'n oopplan-sitarea en toegeboude stoep met ingeboude braaigeriewe in die eetarea. Daar is ook 'n buite-sitarea vanwaar gaste die berguitsig kan geniet of die somerson kan indrink.

Veilige parkeerplek is agter 'n afstandbeheerde hek beskikbaar. Addisionele geriewe sluit ADSL, elektriese komberse, verwarmers, haardroërs, badhanddoeke, linne, eetgerei en breekware in. Daar is ook 'n skottelgoedwasser en wasmasjien in die kothuis. Alle gaste ontvang brikette, vuuraanstekers en komplimentêre items soos koffie, tee, suiker en melk.

Kry ’n Kwotasie