Cosy Cottage

Selfsorg

Gratis kansellasie tot 24 uur voor jou verblyf!
Kapasiteit: 6 persone
Inkloktyd: 14:00 tot 20:00
Uitkloktyd: 10:00
Adres: Augrabies-straat 13, Erasmuskloof, Pretoria, 0181, Gauteng
Alle ouderdomme is welkom
Vanaf R750 per nag (plek vir 3)

Beskrywing

Cosy Cottage is 'n gerieflike selfsorgwoonstel, 'n versteekte juweel en 'n pragtige, gasvrye en gesellige toevlugsoord wat in alle gaste se behoeftes sal voorsien. Dit is op 'n heuwel geleë en het 'n baie veilige, sentrale en afgebakende ligging in Constantia Glen Security Village in Erasmuskloof, Pretoria-Oos en bied gerieflike selfsorg-verblyf in 'n kothuis en dakwoonstel.

Die kothuis het plek vir 3 gaste. Daar is ’n dubbelbed en enkelbed. Op versoek kan daar voorsiening gemaak word vir 'n kind. Die badkamer is toegerus met 'n stort-oor-bad, en daar is 'n oopplan-kombuisie met 'n yskassie, mikrogolf, elektriese braaipan, draagbare induksieplaat, pan, pot, ketel, breekware, koffie- en teemaakgeriewe en 'n waaier. Daar is ook 'n eetkamertafel en 'n platskerm-TV met sekere DStv-kanale. Gratis onbeperkte WiFi is beskikbaar. Die losstaande kothuis bied privaatheid en het sy eie toegang na die hoofhek.

The Penthouse is op die boonste verdieping van 'n dubbelverdiepinghuis geleë en word met 'n stel privaat trappe vanaf die motorhuis beraik. Die eenheid het slaapplek vir 3 gaste. Die hoofslaapkamer het 2 enkelbeddens en daar is 'n enkelbed in die leefarea. Die badkamer het 'n bad, stort-oor-bad, toilet en 'n wasbak. Dié dakwoonstel het 'n oopplan-eetarea met 'n etenstafel, platskerm-TV met Openview-kanale en gratis onbeperkte WiFi. Die sitarea spog met 'n pragtige uitsig oor die bome. Die kombuis is met 'n ketel, koffie- en teemaakgeriewe, 'n yskassie, draagbare induksie-kookplaat, staalpotte en -panne, 'n mikrogolfoond, eetgerei en breekware toegerus. Die verblyf het sonkrag.

Cosy Cottage is gerieflik naby Kloof-hospitaal (1,4 km) en Menlyn Park Winkelsentrum en die Castle gate-winkelsentrum. 'n Woolworths Food, 'n vulstasie, Clicks, 'n baie gewilde slaghuis, Coco's vir 'n heerlike ontbyt en verskeie ander winkels is net 500 m van die kothuis af. Pretoria-Oos-, Fairy Glen- en Wilgers-hospitaal is ook net 'n kort entjie hiervandaan. O.R. Tambo Internasionale Lughawe is net sowat 25 minute se ry van die Cosy Cottage af. Dit bied maklike toegang tot die N1.

Die verblyf maak van sonkrag gebruik en word nie deur beurtkrag geraak nie.

Gaste het toegang tot veilige onderdakparkeerplek.

Kry ’n Kwotasie