by Cottage David @ Surf Spray | LekkeSlaap

+10

Cottage David @ Surf Spray

2 resensies

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 09:00
Adres: Kusweg 21, Marina Beach, 5281, KwaZulu-Natal
Alle ouderdomme is welkom
Vanaf R800 per nag (plek vir 4)

Beskrywing

Cottage David @ Surf Spray is in Southbroom, Marina Beach geleë. Dié kothuis het 'n lieflike see-uitsig en word omring deur inheemse plantegroei. Dis net sowat 50 m van die strand af. Die stoep en slaapkamer het 'n see-uitsig. Dis ideaal vir 'n gesin met kinders en is ook troeteldiervriendelik. Dis ook stapafstand van visvangplekke af.

Cottage David het slaapplek vir 4 en beskik oor 2 slaapkamers en 1 badkamer. Die hoofslaapkamer het 'n koningingrootte-bed en lei na 'n balkon. Die tweede kamer het 2 enkelbeddens. Albei kamers het klerekaste en linne en handdoeke word voorsien. Bring net eie strandhanddoeke saam.

Die oopplan-kombuis en -sitkamer lei na 'n stoep met 'n uitsig oor die tuin en 'n panoramiese uitsig oor die see. Die kombuis is toegerus met 'n yskas, stoof, skottelgoedwasser, oond, ketel, eetgerei en breekware.

Die sitkamer het 'n TV met OpenView-kanale en 'n DVD-speler. Bring eie DStv-dekodeerder, -slimkaart, -afstandbeheer en -kabels saam.

Daar is ook 'n veilige toesluit-motorhuis en 24 uur-sekuriteit. 'n Skoonmaak- en wasgoeddiens kan op versoek teen ekstra koste gereël word.

Marina Beach is ongerep en het Blouvlagstatus. Gholf kan by San Lameer en Southbroom se gholfbane gespeel word.

Kry ’n Kwotasie