Cottonwood, Olivewood & The Loft

Gastehuis

Langtermynverblyf-aanbod 10% af

Kry 10% af vir verblyf wat 14 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Crescent-weg 4, Parkwood, Johannesburg, 2122, Gauteng
Geen kinders onder 18
Vanaf ~~R395~~ R356 per nag, vir 2 mense

Beskrywing

Cottonwood, Olivewood & The Loft bied gasteverblyf in die lowerryke woonbuurt Parkwood in Johannesburg. Die verblyf is naby die Zoo Lake Park, Zoo and Sports Club, Donny Gordon, Milpark en Rosebank Hospitale geleë.

Al die eenhede word deur sonpanele aangedryf en het heeltyd WiFi.

Verblyf is beskikbaar in 4 eenhede naamlik Cottonwood, Olivewood, The Loft en The Office. Cottonwood is geskik vir 2 gaste en beskik oor 1 groot slaapkamer en 1 badkamer. Die slaapkamer het ’n koningingrootte-bed en DStv, en die badkamer het ’n aparte stort, bad, wasbak en toilet. Die suite het ’n aparte kombuisie-area met verhit-en-eetgeriewe soos ’n yskassie, mikrogolfoond, tee- en koffiemaakgeriewe en ’n werkspasie. Daar is ’n privaat buite-area met ’n tafel en sitplek.

Olivewood is vir 2 gaste geskik en het 'n koningingrootte-bed en 'n en suite-badkamer met 'n stort, toilet en 'n wasbak. Ander geriewe sluit 'n TV, WiFi, 'n yskas, mikrogolfoond, ketel, tee, koffie, glase, eetgerei en breekware in. Sitplek is in die tuin beskikbaar.

The Loft is op die boonste verdieping geleë, bied slaapplek aan 2 gaste en het 'n dubbelbed, 'n TV, WiFi, verhit-en-eetgeriewe, 'n ruim balkon met sitplek, tee- en koffiemaakgeriewe, en 'n oopplan-badkamer met 'n stort, toilet en wasbak. Let asb. daarop dat die trappe na The Loft redelik steil is en nie vir jong kinders, bejaardes of gaste met gestremdhede geskik is nie.

The Office bied slaapplek aan 2 gaste, het 'n groot oopplan-slaapkamer en -leefarea met 'n TV, 'n tafel vir etes en 'n lessenaar met onbeperkte WiFi. Die slaapkamer het 'n koningingrootte-bed en die badkamer het 'n aparte stort, wasbak en toilet. Die suite het 'n aparte kombuisarea wat met 'n gasstoof, oond, yskassie, mikrogolf en tee- en koffiemaakgeriewe toegerus is. Breekware, eetgerei, glasware en kookgerei word voorsien.

Veilige parkeerplek is op die perseel beskikbaar. Die verblyf is ook ideaal vir langtermyngaste. Dit is naby Rosebank, die Gautrain, Netcare Hospitale, en Wits en Johannesburg Universiteit.

Kry ’n Kwotasie