Dancing Ducks Guest House

Gastehuis

Kapasiteit: 36 persone
Inkloktyd: 15:00 tot 18:00
Uitkloktyd: 10:00
Adres: Ericastraat 36A, Bon Accord, Pretoria, 0009, Gauteng
Alle ouderdomme is welkom
Vanaf R900 per nag, vir 2 mense

Beskrywing

Dancing Ducks Guest House is in die noordelike buitewyke van Pretoria geleë, en is na aan al die hoofroetes soos die N1, die N4 en die R101.

Die gastehuis bied 'n keuse tussen 9 verskillende eenhede, en het slaapplek vir 'n groottotaal van 36 gaste. Die eenhede het elk 1 of meer slaapkamers, 'n en suite-badkamer, 'n volledig toegeruste kombuis en 'n TV-kamer met sekere DStv-kanale. Die eenhede is apart, so gaste kan verseker wees van privaatheid tydens hul verblyf. Vars melk, beskuit en tee- en koffiemaakgeriewe word ook voorsien. Braaigeriewe is beskikbaar vir gaste se gebruik.

Die trou-venue en kapel het sitplek vir 50 tot 60 mense en 'n en suite-wittebroodkamer met 'n Jacuzzi is ook beskikbaar. Ons kan enige tipe funksie akkommodeer, van intieme verlowingspartytjies tot troues en herdenkings, verjaarsdae, jaareindfunksies en selfs kinderpartytjies!

Die kleinhoewe is 2,2 hektaar groot en daar is baie voëls en 'n paadjie tussendeur al die skape, eende, hase, bokkies, ganse en selfs 'n ponie wat hierdie hul tuiste noem. Al dié diere sal vir seker die kinders besig en plesierig hou. Met elke lente verwelkom Dancing Ducks ook die koms van die wildeganse wat kom nesmaak langs die dam. Die "Nommikies" wilde eende kom en gaan soos hulle wil en daar is selfs 'n paar tarentale wat daagliks kom besoek aflê.

Besienswaardighede en doendinge in die nabyheid sluit in: perdry, visvang, voëlkyk en vierwielmotorfietsritte.

Kry ’n Kwotasie