Dante Deo Guest House

Dante Deo Guest House is 'n moderne dubbelverdiepinghuis wat in Bloemfontein op 'n groot erf geleë is. Daar is groot binne- en buite-areas wat ideaal is vir funksies, konferensies, vergaderings, groep-aktiwiteite en oornagverblyf.

Daar is 8 luukse, ruim slaapkamers. Elke kamer beskik oor 'n koningingrootte- of koninggrootte-bed. Linne en handdoeke word voorsien. Daar is ondervloerse verhitting in al die kamers, asook lugversorging. Elke kamer het 'n mikrogolfoond, yskassie, TV met DStv en tee- en koffiemaakgeriewe. Ses van die kamers het balkonne.

Dante Deo word omring deur 'n hoë muur met 'n elektriese heining, alarmstel…

Sien meer

Dante Deo Guest House is 'n moderne dubbelverdiepinghuis wat in Bloemfontein op 'n groot erf geleë is. Daar is groot binne- en buite-areas wat ideaal is vir funksies, konferensies, vergaderings, groep-aktiwiteite en oornagverblyf.

Daar is 8 luukse, ruim slaapkamers. Elke kamer beskik oor 'n koningingrootte- of koninggrootte-bed. Linne en handdoeke word voorsien. Daar is ondervloerse verhitting in al die kamers, asook lugversorging. Elke kamer het 'n mikrogolfoond, yskassie, TV met DStv en tee- en koffiemaakgeriewe. Ses van die kamers het balkonne.

Dante Deo word omring deur 'n hoë muur met 'n elektriese heining, alarmstelsel en veilige parkeerplek binne. Gaste kan lekker in die groot swembad afkoel. Daar is 'n groot speelarea vir kinders met 'n klimraam, swaaie, 'n trampolien en selfs 'n foefieslaaid. Gaste kan lekker op die balkonne en swembaddek ontspan en die stil plaas-atmosfeer geniet.

Daar is 2 gaste-sitkamers met kaggels waar jy lekker knus kan kuier in die winter. Daar is ook 'n boma buite beskikbaar, waar gaste 'n heerlike vreugdevuur kan aansteek.