Dassenheuwel Farm Stay

Ons het baie lekker gekuier op die plaas. Die kinders het die vryheid geniet.

Ons het heerlik gekuier.

Fantasties!

Ons is baie gereëlde lekker slapers en is maar puntenerig, maar ons respekteer ook die feit dat mense verskil en daarom lewer ons as 'n reël nie kommentaar op ons verblyfervarings nie. Dassenheuwel het egter 'n groot indruk op ons gemaak. Eenvoudig gestel, dit het ons verwagtinge oortref! Netjiese plek en oulike, hartlike mense wat aan die klein dingetjies ook aandag gee.

Hierdie naweek was 'n heerlike breek van die stadsgewoel, rus en vrede.

Vandat ons daar aangekom het tot met ons vertrek het ons in 'n welkome atmosfeer beweeg. Lida voorsien in elke behoefte en met kwaliteit, sal hierdie plek aanbeveel vir elkeen wat sielsmoeg is. Die tuisgebakte brood was 'n welkome verrassing. Gasvryheid op sy beste.

Felt like a movie of like some family living on a farm away from the city.

All I can say is, I want to go back very very soon. The hosts literally thought of every single thing when it comes to accommodating my family at the farmstay.

Baie lekker gebly.

Ons het baie lekker gebly. Baie vriendelike diens met 'n mooi skoon en netjiese kamer. Daar is alles wat mens wil hê en kan nodig kry. Sal aanbeveel.

Most enjoyable stay we have ever had on a holiday.

We had a most enjoyable time while on holiday. The host, hostess, and their son were the most thoughtful people during our stay. They made our stay comfortable and provided us with a valuable learning experience of farm life. Their goal is for visitors to come as guests and leave as friends, and I can personally attest to this being true. Coming from the city, we didn't know much about farm life, but their son taught us so much and made it easy for us to understand. The family are warm and wonderful individuals. Thank you for making our stay so enjoyable.

Uitstekende verblyf.

Ons was aangenaam verras, asemrowende uitsig, perfekte verblyf en baie aangename gasheer en gasvrou.

Ongelooflike wegbreek.

Baie skoon plaasgevoel. Rustig.

Very friendly and helpful owners, very neat and clean.

Had a wonderful stay, very warm welcome and had everything you needed.

Fantasties! Lekker ontspan en 'n lekker rusplek!

Lekker uitgerus op 'n lieflike plaas met ongelooflike gaste wat ons op die hande gedra het!

Heerlike rustige plaasverblyf.

Ons het heerlik in die Farmstay huis gebly wat voorsien was met alles wat ons benodig het en nog meer. Ons was verwelkom deur die reuk van varsgebakte brood en bederfies soos konfyt, melk, muesli ens. Het lekker gestap na die wildskamp, ontspan op die stoep en heerlik gebraai. Sal definitief graag weer gaan kuier.

Very nice and very peaceful. Nice farm lifestyle.

Very nice location. Quiet and peaceful. Nice wildlife. Good birdlife too. The place is very clean!

Good weekend away.

Lovely stay on the farm. I would only recommend a small pool to cool off in. It can get hot and kids would love it with the animals as well.

So, so mooi en so lekker gewees.

Daar is nie woorde vir hierdie heerlike verblyf nie. Dit was net uitstekend! Netjies, gerieflik, vriendelik, gasvry in 'n pragtige omgewing! Baie, baie dankie - ons kom weer.

Vinnige wegbreek vir een aand naby die huis.

Ons het vreeslik lekker hier gebly! Dit is so rustig op die plaas. Daar is elke moontlike luuksheid waaraan jy kan dink! Die gasvrou bak die heerlikste beskuit! Ons het selfs bordspeletjies op die stoep gespeel. Die uitleg is oopplan so jy moet gerieflik wees met 'n oop badkamer as jy hier kom bly. Die enigste "opbouende kritiek" wat ons dalk vir die eienaars sal gee is die uitleg van die braaiarea. Daar is twee eenhede langs mekaar wat 'n braaiarea deel. Ons was gelukkig alleen die aand daar so dit het ons nie gepla nie maar ek dink die logistiek sal effens moeilik wees as jy saam met vreemde mense daar bly. Die stoep en braaiarea word gedeel so jy gaan nie juis privaatheid hê nie. My voorstel sal wees dat hulle dalk 'n afskorting op die stoep sit tussen die twee eenhede en dalk nog 'n braaiplek aan die ander kant van die stoep inrig.

Friendly owners who would move the earth for their guests.

Super clean and nice bed linen and towels. Will definitely go to Dassenheuwel again.

Dit was die beste plek, eintlik baie beter as die gelyke in geldwaarde.

Pragtig huislik en heerlik stil op die plaas. Bokkies en baie voëls om jou dag op te kikker.

Fantasties, rustig en pragtig.

Cobus en Lida het ons hartlik verwelkom met hul gasvryheid. Die huis is pragtig. Die grootste verrassing was die varsgebakte plaasbrood, wat vir ons gewag het in die kombuis. Die canolalande was prentjiemooi en ons het die mooiste gesinsfoto's geneem. Ek beveel Dassenheuwel aan vir enige iemand wat net rustig wil wegbreek in 'n ontspanne omgewing.

Rustig.

Dit was die lekkerste tydjie weg. Ons kon net uitspan en vergeet van die gewoel van die stad. So 'n mooi plekkie, so skoon en gesellig. Daar is 'n regtige rustige vibe, mens voel tevrede, veilig, warm en werklik tuis.

Rustige plaasatmosfeer met baie goed toegeruste fasiliteite, alles wat jy kan nodig kry is daar.

Varsgebakte brood, wyn van 'n plaaslike kelder in yskas! Dis ontspan op sy beste!

Wonderful.

Beautiful, clean and well equipped. You arrive as a client and leave as family. Beautiful, peaceful farm. All the little (coffee, tea, tusks, fresh baked bread) spoils are so appreciated. Thank you so much. We will be back.

Lieflike mense en 'n fantastiese plek.

Kobus, Lida en Dassenheuwel Farm Stay is dié blyplek in Malmesbury as jy soek na rus, vrede en 'n lekker plaaswegbreek.

Ongelooflik lekker.

Ek gaan een keer per maand na 'n gasteplaas. Hierdie een is die eerste een wat ek weer en weer sal gaan. Dis die wonderlikste plek ooit. Die eienaars laat voel jou deel van hulle. Die plek is silwerskoon met als en baie meer toegerus. Nog nooit het ek enige plek teëgekom wat so smaakvol toegerus is nie. Als wat jy mag nodig kry - tot hoofpyn pille. Belis die moeite werd. Ek gaan weer daarheen - en nou hoef ek nie meer na die regte plek te soek nie. Ek het my naweekplek gekry.

Fantastiese plek vir 'n wegbreek, alles was 100%.

Lida was altyd reg om jou vrae te antwoord. Die kamer self is baie netjies, modern maar ook baie huislik en word goed onderhou. Dit sal lekker wees as die braai-area meer beskut was teen wind en reën.

Wonderful. Relaxing. Great walks and wonderful animals on the farm.

Kids loved it.

Sielsverreikend.

Dit was 'n ongelooflike lekker verblyf. Alles waaraan 'n mens kon dink was daar en selfs meer. Kobus en Lida doen baie moeite om die blyplek huislik te maak. Dit is heerlik om aan die einde van 'n dag se werk na die mooi en rustigheid van die plaas terug te keer. Die cottage is met sorg uitgelê en mens voel sommer baie tuis. Kobus en Lida, baie dankie vir julle vriendelikheid en mag Dassenheuwel Farm Stay groei van krag tot krag.

Lovely stay.

A well equipped house in a beautiful environment and a perfect base to explore the Swartland area from.

Heerlik rustig en alles was netjies en gemaklik.

Lekker gebly. Alles is gemaklik en skoon. Ekstras was 'n lekker bederf.

Baie skoon, netjies en heerlike ontspanningsplek.

Dazzenheuwel is 'n baie skoon, netjiese en gerieflike woonplek. Daar is baie diere op die plaas en my kinders het dit baie geniet, hul is baie lief vir diere. Baie dankie vir die heerlike vars brood, beskuit en konfyt. Dit is 'n ontspanningsplek-duisend, baie rustig.

Pragtige omgewing en lekker rustig op die plaas.

Goeie wegbreek om bietjie weg te kom van die besige stadslewe. Die kothuis was baie skoon en netjies en het alles gehad wat ek nodig het. Het baie lekker gebly en sal dit vir seker aanbeveel.

Excellent recharge venue.

We had a good experience away from the busy city life. Peace and quiet highly recommended. Our visitors were also impressed with the super accommodation and extra care with little specials.

Dit was manjifiek, ons wil beslis weer gaan!

Ons het ons tydjie by Dassenheuwel terdeë geniet. Die huis is pragtig versier en toegerus met alles wat mens kan nodig kry. Ons is verwelkom met 'n tuisgebakte plaasbrood en konfyte, Lida en Kobus was so gasvry en Kobus het ons selfs genooi om saam hom 'n draai deur hulle pragtige plaas te ry. Ons was gelukkig om in die lente te gaan kuier en ons 5-jarige tweeling het hulle verkyk aan die pasgebore lammertjies. Die plaas is ook goed geleë om gemaklik uitstappies te doen na Riebeeck-Kasteel en al die omliggende Swartland wynplase en besienswaardighede. Ons kinders vra al reeds wanneer gaan ons weer plaas toe!

Die mees gemaklikste en bes ingerigte selfsorg-eenhede ooit.

Dassenheuwel is pragtig! Kobus en Lida se gasvryheid is onbeskryflik. Die detail is besonders en daar was nie 'n ding wat kort was nie. Die eenhede is skoon, netjies en uiters gemaklik. Die dekor is stylvol en smaaklik gedoen met goeie gehaltegeriewe en WiFi wat werk. Die landskap is onbeskryflik mooi die tyd van die jaar - ons het ongelooflik lekker gebly. Sal beslis weer gaan kuier.

As jy na 'n plek soek wat die siel voed, is dit Dassenheuwel Farm Stay & Cottage.

Wil eerstens dankie sê aan Kobus en Lida vir julle gasvryheid. Ons het welkom gevoel van die begin af. Sover vir 1ste ontmoetings het julle 'n baie goeie indruk gemaak. Ons het in die donker daar aangekom en moet ek sê wat 'n ongelooflike uitsig was dit toe ons daai volgende dag opstaan en buite gaan! Julle het 'n ongelooflike mooi plaas. Alles is netjies en skoon. Daar is soveel lewe in die plek. Kan sien hoeveel tyd in die plek ingaan. Die Flower Cottage wat ek en my verloofde in gebly het was iets besonders. Alles wat jy nodig het is daar jy is niks kort nie. Die cottage is so mooi jy voel tuis van die begin af. Baie mooi en gepaste dekor. Dis moderne boeresjiek vir my gewees. Die plekkie is 'n juweel, jy wil dit amper nie eers deel met iemand nie, haha. Ons het die stilte geniet van die plaas, ons kon rus lekker vuurmaak en braai, opkyk na die sterre met 'n warm koppie koffie en tuisgebakte beskuit (uit en uit bederf met dit gewees). Daai is lewe op sy beste. Ons het so uitgerus gevoel na ons oorbly daar, al was dit net een aand. Kan net indink wat 'n paar aande se oorbly sal doen. Julle is pragtige mense en julle plaas straal dit vir seker uit. Weereens dankie, ons sien julle definiteif in die toekoms.

Pragtige huis wat uitstekend toegerus is.

Ons is bederf met varsgebakte brood, filterkoffie, warm duvets en sommer net alles wat mens nodig het vir ‘n wegbreeknaweek. Die huis is baie goed toegerus. Perfekte plek vir ‘n kleuter met ‘n avontuurlustige gees.

10 uit 10!

Kobus en Lida se gasvryheid was uit die boonste rakke! Huis is netjies en skoon en ingerig met alles wat mens mag benodig. Selfs beskuit en varsgebakte brood! Ons kon die plaas met ons fietse verken en die kinders kon sien en beleef hoe die skape lam! Wow! Geen probleem met veiligheid gehad nie! Ons kan die plaas beslis aanbeveel en sal weer terug wees!

Absolute stylvol, stil en rustig.

Die gasvrou doen ver meer moeite as wat van 5 ster verwag word. Ons het selfs 'n lekker warm tuisgebakte broodjie gekry. Die kamer is modern en stylvol. Die omgewing is rustig en tjoepstil.

So mooi en rustig!

Baie smaakvol en mooi ingerig. Die plaas is mooi en so rustig. Presies wat jy soek as jy uit die stad uit wil kom. Ons dogtertjie het die skape, skilpaaie en springbokke baie geniet!

Rustige plaaskuier met moderne geriewe.

Ons was beïndruk met die moderne geriewe, gerieflike beddens en ruimte van die huis. Die kombuis is goed toegerus. 'n Heerlike bederf was die varsgebakte plaasbrood met aankoms.

Excellent rural accommodation in a relaxed environment and exceptionally friendly hosts.

See star rating.

Lekker privaat en rustig.

Dit was aangenaam om daar te oornag. Tussen die heuwels en op n plaas is mos die rustigheid vanself.

Onvergeetbaar.

Dit was ongelooflik, netjies en skoon. Baie lekker, dankie.

Fantasties!

Dassenheuwel is pragtig, skoon en gerieflik. Dis heerlik om in die stilte op die plaas te bly. Alles is so spesiaal en ons was mal oor die beskuit en lekker goedjies. Sal vir seker weer 'n draai daar wil maak.

Heerlik en rustig! Lekker gebly.

Dis 'n netjiese, smaakvolle kothuis met lieflike linne! Ek beveel dit aan vir enigeen wat hou van die wydheid en 'n plaasatmosfeer. Lieflike gasheer en gasvrou. Sal graag weer daar bly.

Rustig en sielsvernuwend.

Die "farm stay" het meer as genoeg plek vir ons as gesin gehad. Alles is baie smaakvol versier. Klein deurdagte toevoegings het ons baie spesiaal en welkom laat voel. Malmesbury is naby soveel dinge om te sien en te doen. Ons sal weer moet terug gaan.

Ons het heerlik oornag in dié smaakvolle eenheid!

Die eenheid is met styl afgerond en ons het niks kort gekom nie. Alhoewel dit selfsorg-eenhede is, was daar wel beskuit en muesli te ete en koffie, tee en melk is voorsien. Dit was wel jammer dat ons as egpaar die stoep en braai-area moes deel met vreemdelinge: nie juis iets waarna mens uitsien wanneer jy so wegbreek nie. Ons sou dus voorstel dat die stoep afgeskort word sodat elke eenheid privaatheid het en daar is ook spasie vir elke eenheid om hul eie braai te hê. Ons het wel gebruik gemaak van die geleentheid en vryheid op die plaas om ver te gaan stap en die pragtige natuurskoon te geniet en vars lug in te asem.

Dit was awesome!

Ek sal weer daar bly en die verblyf vir enige een aanbeveel. Dit was prentjiemooi en lekker. Vrede! Ek sal ook enige tyd weer van LekkeSlaap gebruik maak om akkommodasie te soek.

Ongelooflike ontvangs en gasvryheid van die eienaars na 'n lang dag se ry.

Baie lekker gebly met meer as wat nodig was in die kothuise. Die vriendelikheid en gasvryheid van die eienaars, Lida en Cobus, was ongelooflik. Soos die "slogan" sê: Arriveer as 'n besoeker en gaan weg as 'n vriend. Dis inderdaad waar. Sal sterk aanbeveel!

Onopgesmukte gasheer en -vrou wat aangename, interessante verblyf op 'n pragtige plaas verseker.

Die akkommodasie was netjies, pragtig en volledig toegerus. Dit was aangenaam en interessant om op 'n werkende plaas te vertoef met Kobus wat ons graag rondgewys en van die plaasgeskiedenis vertel het. Van ons aankoms het ons dadelik tuis gevoel en die vrymoedigheid gehad om die natuurskoon waarin die plaas geleë is van alle kante te bekyk en te geniet.

Baie goeie ervaring.

Ongelooflike gasvryheid. Die kothuis was volledig toegerus. Baie skoon en netjies. Die wit handdoeke en bed laat mens baie bederf voel. Omgewing pragtig!

Dit was soos om op my eie plaas te wees, tussen die diere en gasvrye mense.

Ons het nie geweet wat om te verwag nie, maar groot was ons verbasing toe ons daar aanland. Van die welkom sjokolades tot die ekstra komberse op die stoep was meer as wat ons verwag het. Dan praat ek nie eers van die heerlike tuisgebakte beskuit en tuisgemaakte konfyt nie. Al die tee, koffie ens. was meer as wat ons verwag het. Die plaaslewe was my hoogtepunt, al die klein lammertjies wat so bokspring laatmiddag! Dit was so wonderlik om die nuwe klein kalfie se eerste treetjies te kon aanskou! En dan die trippie bergop om die sonsondergang te aanskou! Dit was voorwaar waarde vir geld. Daar is soveel ekstras, te veel om op te noem. Baie dankie.

Fantasties!

Dit is 'n ongelooflike rustige omgewing. Die vars plaasbrood en vriendelike eienaar is 'n treffer. Eenheid is baie netjies en goed ingerig. Sal beslis weer kom.

'n Naweek wat ons verwagtinge ver oortref het!

Ek en my ouers het drie dae op Dassenheuwel spandeer, en sal beslis weer gaan kuier daar. Kobus en Lida is die perfekte, vriendelike gasheer en -vrou. Die omgewing en plaas is pragtig, rustig en stil. Dit was heerlik om die plaasdiere en -lewe te ervaar. Kobus het my pa spesiaal bederf en saam met hom op die plaas rondgeneem. Die huis is netjies, smaakvol en uiters gerieflik en volledig toegerus. Ons wou skaars weer huis toe gaan en beplan reeds die volgende besoek, sodat ons weer vroegoggend op die stoep kan sit en koffie drink, en die plaas en stilte en Lida se vars brood met konfyt kan geniet. Baie dankie vir 'n heerlike naweek!

Teleurstellend.

Slegte sinkplaat grondpad, eenheid vol spinnerakke, ons is R500 per persoon per nag gevra en babas R125 elk. Die eenheid word ook net elke 3de dag skoongemaak, amper geen selfoonsein, geen veiligheidsmaatreëls, te veel reëls en regulasies.

Very well appointed cottage in tranquil environment

If you are looking for a quiet, tranquil breakaway from the rat race, this is it. Very well appointed and comfortable cottage with large deck and braai facility. Short gravel road to farm is suitable for city sedans. Good value for money.

Heerlike en rustige plaasverblyf.

Ideale verblyf as jy rus en vrede soek en wil wegkom uit die stad. Vriendelik en gasvry ontvang en Lida het werklik aan als gedink in terme van geriewe met ekstras soos beskuit en 'n warm varsgebakte brood. Was vir ons 5-ster verblyf! Kan dit sonder enige twyfel aanbeveel en sal enige dag weer terug gaan. Mis reeds die vars plaa lug en koffie en beskuit soggens op die stoep.

Absoluut wonderlik!

Dassenheuwel is 'n ware oase om weg te kom van alles af. Alles is netjies en presies wat mens nodig het om weg te kom. Die gasvryheid van Kobus en Lida is wonderlik. Die omgewing is pragtig en om wakker te word met die hane wat kraai en die ganse wat gesels is fantasties. Baie dankie vir die wonderlike twee nagte.

Fantasties! 'n Paradys vir die kinders!

Goed toegerus.

Daar word vars plaasbrood afgelewer met julle aankoms!

Ons is ware stadsjapies, so ek het besluit die kinders bietjie die plaaslewe moet beleef. Met net 'n uur uit Kaapstad, is Dassenheuwel die perfekte familie-uitstappie. Warm varsgebakte brood word afgelewer die oomblik as jy aankom. Die gasvrou (Lida) dink aan die kleinste detail. Sy weet dat klein kinders nie alleen in 'n kamer slaap nie en het aangebied om vir ons 'n los matras te gee om die "rondslaap" te vergemaklik. Daar was ook suigstokkies vir die kinders (waar die groot mense die gewone "welkom" sjokolade gekry het ). Die bonus was egter 2 kratte vol lego's wat sy vir ons gegee het om mee te speel. Dassenheuwel is 'n plaas waarop hard gewerk word. Die boer, Kobus, het ons die hele plaas gaan wys en dit was fassinerend vir ons as plaasjapies om te hoor hoe dinge werk. Ons was daar in Maart en dit is wanneer al die lammetjies en kalfies gebore word. Ander tye soos Desember sal die plaas weer anders lyk, want dan is die lande vol koring en granola. Agter die huis is daar 'n tuin met omtrent 10 skilpaaie en hoenders - ook 'n treffer vir my kleuters. Die huis is baie gemaklik. Ruim en luuks. Daar is 2 kamers - 'n dubbelbed in die een kamer en die 2de kamer (die een verder van die TV - so goed vir kinders wat vroeg gaan slaap) het 3 enkelbeddens in. Daar is 'n groot eetkamertafel, maar ons het die lekkerste op die stoep gesit. Die ander trekpleister van die plaas, is dat dit ook baie naby aan Riebeek Kasteel is as jy lus is vir wyn of olyfproe, en ons het selfs eendag Paarl se kant toe gegaan en daar op 'n wynplaas gekuier. So as jy 'n rustige omgewing soek, 'n ruim luukse huis wil hê, maar tog so nou en dan na 'n goeie restaurant toe wil gaan - is Dassenheuwel die plek vir jou!

Baie geniet.

Die huis is baie netjies en gerieflik ingerig. Dis baie rustig! Ons en ons 3-jarige kon heerlik ontspan. Kobus en Lida is baie gasvry.

Werklik baie geniet! Lida en Kobus se gasvryheid was fantasties.

'n Pragtige omgewing, vriendelike mense en goeie ligging naby interessante dorpe en wynplase. Ons het ons verblyf regtig baie geniet en het lekker uitgerus, asook die omgewing verken. Ons sal verseker weer oorbly indien die geleentheid homself voordoen.