De Hoop Village Cottages

Selfsorg

Soos Gesien op Facebook
Kapasiteit: 54 persone
Inkloktyd: 14:00 tot 19:00
Uitkloktyd: 10:00
Adres: De Hoop Natuurreservaat, De Hoop, 7280, Wes-Kaap
Alle ouderdomme is welkom
Vanaf R2 514 per nag, vir 2 mense

Beskrywing

De Hoop Village Cottages bied gerieflike verblyf in 9 selfsorgkothuise in die De Hoop Natuurreservaat. Die kothuise is goed ingerig en vol deel van die Opstal-area wat naby die kantore, restaurant, kroeg, en geskenkwinkel is. Gaste kan ry, voetslaan of fietsry na besienswaardighede in die reservaat.

Dié kothuise is wit vissershuisies wat tipies is van die Weskus se boustyl en is die ideale plek vir 'n wegbreek saam met vriende en familie. Elke kothuis beskik oor 3 slaapkamers, 1 badkamer en 'n oopplan-kombuis, -sitarea en -eetarea. Elke kothuis het 'n ketel, broodrooster, mikrogolf, yskas-vrieskas, oond, stoof, breekware, eetgerei, kookgerei en braaigerei. Opwasseep en 'n sponsie word voorsien. Ander geriewe sluit linne, hangers, badhanddoeke, seep, handeseep, sjampoe, opknapper, lyfseep en lyfroom in.

Die De Hoop Natuurreservaat bied see, sandduine, vleiland, blommeprag, raar fynbosspesies, verskeie bokspesies en die Potberge. Voëlkykentoesiaste kan waadvoëls aan die oewer van die vlei gewaar en die Potberg is die tuiste van 'n kolonie bedreigde kransaasvoëls. Gaste wat op die reservaat voetslaan of fietsry staan 'n kans om bontebokke, die Kaapse bergkwagga, elande, bobbejane en volstruise te gewaar. Daar is 'n dagroete oor die welige fynbosvlaktes of langs die verlate kuslyn, bergfietsroetes al langs verskeie grondpaaie, asook wildritte deur die pragtige landskap. Kom ontspan op die strand en snorkel in die turkoois rotspoele. Daar is ook 'n tennisbaan, 'n swembad en 'n rolbalbaan in die reservaat.

Binne seisoentyd is Suidelike Noordkappers te sien. De Hoop Natuurreservaat is 'n marinereservaat en Wêrelderfenisgebied en is dus 'n veilige hawe vir dié spesie waar gaste hulle ook van die land af kan sien. Walvisseisoen is vanaf Mei tot November. Die Fig Tree Restaurant is op die perseel en is daagliks oop. De Hoop Weddings, en geriewe vir spanbou en konferensies, is ook beskikbaar.

Kry ’n Kwotasie