Deo-Lize

Selfsorg

Langtermynverblyf-aanbod 15% af

Kry 15% af vir verblyf wat 7 nagte of langer is. Geldig vir verblyf vanaf 14 Feb 2024 tot 30 Nov 2024.

Kapasiteit: 6 mense
Inkloktyd: 15:00 tot 22:00
Uitkloktyd: 10:00
Adres: Clarence-rylaan 2610, Bettysbaai, 7141, Wes-Kaap
Alle ouderdomme is welkom
Vanaf ~~R2 500~~ R2 125 per nag (plek vir 6)

Beskrywing

Deo-Lize is 'n selfsorghuis teen die berg in Bettysbaai. Dié eiendom het 'n pragtige tuin en die uitsigte oor die see en berge skep 'n atmosfeer van rustigheid.

Hierdie dubbelverdieping-vakansiehuis bied slaapplek aan 6 gaste en beskik oor 3 slaapkamers en 2 badkamers. Op die onderste verdieping het elke slaapkamer 'n dubbelbed en 'n gedeelde badkamer met 'n bad, stort, wasbak en 'n toilet. Op die boonste verdieping het die ruim hoofslaapkamer 'n en suite-badkamer, koningingrootte-bed, sitarea en 'n groot balkon met 'n asemrowende area en 'n see-uitsig om te bewonder.

Beurtkrag by die verblyf word versag deur die gebruik van 'n gasstoof en -geiser, herlaaibare ligte in die sitarea en die slaapkamers, asook 'n UPS-stelsels wat die WiFi en ander elektronika van rugsteunkrag voorsien.

Die oopplan-leefarea en -kombuis is op die onderste verdieping. Die kombuis is met 'n yskas-vrieskas, mikrogolf, gasstoof, skottelgoedwasser, E-springwaterfilter en wasmasjien toegerus. Die aangrensende leefarea het gemaklike leerbanke, 'n houtkaggel, 'n TV, DStv en vensters wat 'n uitstekende see-uitsig het. Gratis WiFi is beskikbaar. 'n Ruim braai-area is in die tuin asook onderdakparkeerplek vir 2 voertuie. Die eiendom het 'n elektriese heining.

Kry ’n Kwotasie