Die Berghuis @ Vadersberg

Selfsorg

Gratis kansellasie tot 1 week voor jou verblyf!
Soos Gesien op Facebook
Kapasiteit: 4 mense
Inkloktyd: 14:00 tot 20:00
Uitkloktyd: 10:00
Adres: Vadersberg, Sandy's Glen-pad, 22 km vanaf Napier, 7270, Wes-Kaap
Alle ouderdomme is welkom
Vanaf R1 250 per nag (plek vir 4)

Beskrywing

Die Berghuis @ Vadersberg is 'n knus, afgeleë houthuisie in die hartjie van die Overberg, net 22 km van Napier af. Die huisie bied selfsorgverblyf en word deur die natuurskoon van die flora en fauna van die Elandsberge omring.

Die huisie beskik oor 2 slaapkamers en 1 badkamer. Die eerste slaapkamer het 'n koninggrootte-bed en die tweede slaapkamer het 2 enkelbeddens. Albei slaapkamers lei na 'n balkon met 'n asemrowende uitsig oor die privaat, boomryke landskap. Die badkamer het 'n instapstort, toilet en 'n wasbak.

Die kombuis is met 'n yskas-vrieskas, gasstoof, oond, mikrogolfoond, eetgerei en breekware toegerus. Die sitarea het 'n gemaklike rusbank, etenstafel en knus kaggel vir koue winterdae in die woud. Vuurmaakhout word voorsien. Elektrisiteit word deur 'n sonkragstelsel voorsien. Warm water word deur 'n donkie voorsien en gaste moet dit self aansteek, wanneer warm water benodig word.

Die nabygeleë dam is ideaal indien gaste op 'n warm somersdag wil afkoel nadat hulle een van die talle roetes op die plaas te voet of fiets verken het. Die groot verskeidenheid voëls sal entoesiastiese voëlkykers vir ure besig kan hou. Gedurende die winter is daar verskeie soorte sampioene wat onder die dennebome kopuitsteek, waarvan baie eetbaar is.

Gaste word aangemoedig om hul skoene uit te skop en in hierdie rustige en afgesonderde omgewing te ontspan, en die fantastiese kos en wyn, wat die omliggende restaurante en wynkelders bied, op die proef te stel.

Kry ’n Kwotasie