Dalview Akkommodasie by Die Dekkers Self-Catering | LekkeSlaap

+50

Die Dekkers Self-Catering

27 resensies

Selfsorg

Vanaf R600 per nag (vir 2 persone)
Kapasiteit: 12 persone
Inkloktyd: 14:00 tot 19:00
Uitkloktyd: 10:00
Adres: Gloucester-laan 80, Dalview, Brakpan, 1541, Gauteng
Alle ouderdomme is welkom

Beskrywing

Die Dekkers Selfsorg is perfek vir diegene wat vertonings by Carnival City of sportgeleenthede wil bywoon of sakebelange aan die Oos-Rand het. Ons ligging is ideaal en naby Mall@Carnival, Carnival City Kasino en die lughawe. Ons is ook naby die groot hoofweë na Pretoria, Durban, Nelspruit en Bloemfontein.

Woonstel 1 is ruim en bied slaapplek vir 3 of 4 gaste. Dié woonstel beskik oor 'n dubbelbed-kamer en 'n enkelbed-kamer. Die oopplan-leefarea het 'n moderne sitkamerstel en 'n groot platskerm-TV met Open HD. Volledige DStv is op aanvraag beskikbaar. Daar is ook 'n groot eetkamertafel in die eetarea. Die oopplan-kombuis is volledig toegerus met 'n vierplaat-gasstofie, 'n mikrogolfoond, 'n broodrooster, 'n yskas en 'n ontbythoekie. Koffie- en teemaakgeriewe is beskikbaar. Die oop en suite-badkamer het 'n groot bad en 'n stort. Daar is 'n groot onderdak-braaiplek met tuinmeubels waar jy lekker kan ontspan.

Woonstel 2 is ruim en bied ook slaapplek vir 3 gaste. Daar is 'n dubbelbed-kamer en 'n enkelbed-kamer. Die leefarea en kombuis is oopplan. Die leefarea het 'n gemaklike sitkamerstel en 'n groot platskerm-TV met Open HD. Volledige DStv is op aanvraag beskikbaar. Die aparte kombuis is volledig toegerus met 'n vierplaat-gasstoof en -gasoond, 'n mikrogolfoond, 'n yskas en 'n ontbythoekie. Koffie- en teemaakgeriewe is ook beskikbaar. Die groot badkamer het 'n hoekbad en 'n handstort. Die braai-area met die tuinmeubels en sambreel is die perfekte plek om lekker te ontspan.

Woonstel 3 is ook ruim en beskik oor 'n dubbelbed-kamer en 'n enkelbed-kamer waar 3 gaste kan slaap. Daar is ook die opsie van 2 gaste wat in die oopplan-sitarea in die opvou-dubbelslaapbank kan slaap. Die leefarea en kombuis het 'n oopplan-ontwerp. Die leefarea het 'n gemaklike sitkamerstel en 'n groot platskerm-TV met Open HD. DStv is op aanvraag beskikbaar. Die kombuis is gekombineerd met die ontbythoekie en is toegerus met 'n vierplaatstofie en -oondjie, 'n mikrogolfoond, 'n broodrooster en 'n yskas. Koffie- en teemaakgeriewe is beskikbaar. Die groot badkamer het 'n hoekbad en 'n handstort. Die ommuurde braai-area het tuinmeubels en 'n toesluit-hek.

Kry ’n Kwotasie