+137

Dilisca Guesthouse

Gastehuis

Voorkeurvennoot
Kapasiteit: 27 persone
Inkloktyd: 14:00 tot 20:00
Uitkloktyd: 10:00
Adres: Pionierstraat 2, Durbanville, 7550, Wes-Kaap
Alle ouderdomme is welkom
Vanaf R900 per nag (vir 2 persone)

Beskrywing

Dilisca Guesthouse is 'n lieflike 4 ster-gastehuis in Durbanville, Kaapstad. Gaste kan kies uit 1 van die 13 individueel versierde kamers: Standaardkamers, Luukse Kamers, Selfsorgkamers, Gesinskamers en Executive-kamers. Die gastehuis maak gebruik van boorgatwater.

Al die kamers beskik oor lugversorging en perkallinne. Elke kamer bevat ook 'n haardroër, 'n TV met DStv-kanale, 'n yskassie, koffie- en teemaakgeriewe, 'n lessenaar en gratis WiFi van hoë gehalte. Die kamers word daagliks skoongemaak en veilige parkeerplek word voorsien.

Die 6 Standaardkamers beskik elkeen oor 2 enkelbeddens of 'n koninggrootte-bed en 'n en suite-badkamer. Die 1 selfsorgkamer het 'n aparte kombuis en eetkamer.

Die 4 Luukse Kamers het elk 'n koningingrootte-bed of koninggrootte-bed, 'n en suite-badkamer met 'n bad, 'n mikrogolf, broodrooster en 'n privaat stoep.

Die Gesinskamer het 'n koningingrootte-bed en 'n enkelbed met 'n en suite-badkamer. Dit het ook al die afwerkings wat die luukse kamers het. Die kamer het ook 'n patio.

Die Executive-kamer het 'n volledige ruim en suite-badkamer, instapkaste, 'n koninggrootte-bed en 'n aparte leefarea met 'n binnebraai.

Ontbyt is teen R100 beskikbaar. Wegneem-ontbyt en -middagetes kan ook voorsien word. Aandete kan op versoek in die kamer, of vir klein funksies voorsien word. Klein vergaderings of konferensies vir 12 afgevaardigdes kan ook hier geakkommodeer word.

Daar is verskeie besienswaardighede en doendinge in die area soos gholf by Durbanville Gholfbaan of 'n bietjie verder is daar Tafelberg, die V&A Waterfront en Akwarium, Kirstenbosch en die verskeie wynplase in en om Kaapstad. Die gastehuis is net 5 minute se ry van 2 privaat hospitale af.

Kry ’n Kwotasie