Downstairs @ The Beachfront

Selfsorg

Gratis kansellasie tot 1 week voor jou verblyf!
Kapasiteit: 4 mense
Inkloktyd: 13:00 tot 22:00
Uitkloktyd: 10:00
Adres: Helene Steyn-rylaan 67, Moquini Beach, Stilbaai, 6674, Wes-Kaap
Alle ouderdomme is welkom
Vanaf R1 400 per nag (plek vir 4)

Beskrywing

Downstairs @ The Beachfront is ’n sjarmante selfsorgwoonstel op die eienaar se eiendom in Stilbaai-Oos. Die eiendom is 60 m vanaf die swemstrand, wat veilig is vir troeteldiere en gaste om te swem, branderplank te ry en om op te stap. Gaste kan die paadjie oor die duin voor die huis na die pragtige strand volg.

Hierdie troeteldierviendelike-woonstel is op die grondverdieping van die eienaar se huis en beskik oor ’n privaat ingang, 2 slaapkamers, 2 badkamers, en ’n goed toegeruste kombuis en oopplan-sitarea. Dit is ideaal vir 4 volwassenes (2 paartjies) en 2 kinders. Die hoofslaapkamer het ’n koningingrootte-bed en die tweede slaapkamer het 1 dubbelbed en ’n stapelbed. Die badkamer het ’n stort, bad, wasbak en toilet. Daar is ’n buite-stort met warm water by die tweede kamer. Daar is 'n gastebadkamer met 'n toilet en 'n wasbak.

Die goed toegeruste kombuis het ’n yskas-vrieskas met ’n dubbeldeur, ’n tweeplaat-gasstoof, ’n oond, mikrogolfoond en ander kombuisware om te gebruik. Die aangrensende sitarea het banke en ’n etenstafel met sitplek. Dit lei na die stoep waar daar ’n groot etenstafel, 2 sonbeddens en ’n draagbare braai is.

Klein- tot mediumgrootte troeteldiere is welkom indien daar vooraf reëlings getref word. Die eiendom is naby verskeie stap- en voetslaanroetes en die riviermond. Dit is ook binne ’n paar minute se ry vanaf die middedorp, waar daar ’n paar restaurante en winkels is.

Kry ’n Kwotasie