Ekukhuleni Bushveldt Farm Cottages

Selfsorg

Langtermynverblyf-aanbod 10% af

Kry 10% af vir verblyf wat 5 nagte of langer is. Hierdie aanbod is altyd geldig.

Kapasiteit: 20 persone
Inkloktyd: 14:00 tot 21:00
Uitkloktyd: 16:00
Adres: Ekukhuleni, RH25: R560, Hekpoort, 1791, Gauteng
Alle ouderdomme is welkom
Vanaf ~~R900~~ R810 per nag, vir 2 mense

Beskrywing

Ekukhuleni Bushveldt Farm Cottages is in die voorheuwels van die Magaliesberge op die Magalies Meander naby Hekpoort geleë. Die rustige wildplaas is perfek vir lang wandelinge, wildkyk, uitstekende voëlkyk-geleenthede en pragtige berg-uitsigte. Ekukhuleni is net 'n uur van Johannesburg, Pretoria en Rustenburg af, so dis die ideale keuse vir jou volgende wegbreek.

Die plaas het 5 afgeleë kothuise wat ten volle toegerus is en elkeen oor 1 of 2 slaapkamers beskik. Die kothuise word omring deur die Bosveld se rustigheid en elkeen het 'n stoep met 'n ingeboude braai en 'n Cadac-skottel. Die slaapkamers het almal en suite-badkamers. Alle linne en badhanddoeke word voorsien. Die kombuise is elkeen toegerus met die nodige breekware, eetgerei, potte, panne, 'n gasstoof en 'n mikrogolfoond. Die kothuise is smaakvol met keramiekteëlvloere afgewerk. Gaste moet hul eie swemhanddoeke saambring.

Daar is 'n swembad vir gaste se gebruik wat in die prentjiemooi tuin geleë is. Ekukhuleni is naby die Wieg van die Mensdom. Kom verken die Sterkfonteingrotte en Maropeng ? 'n wêreldbekende ondergrondse besienswaardigheid wat jou op 'n reis deur die mensdom se geskiedenis sal neem.

Let asb. daarop dat daar 'n kort grondpad na die eiendom is.

Kry ’n Kwotasie