Elements Private Golf Estate Lodge 197

Selfsorg

Naweekaanbod 15% af

Kry 15% af vir verblyf tussen Vrydag en Sondag (minimum twee nagte se verblyf). Geldig vir verblyf vanaf 26 Apr 2024 tot 28 Apr 2024.

Soos Gesien op Instagram
Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Lodge 197, Elements Gholflandgoed, Bela-Bela, 0480, Limpopo
Alle ouderdomme is welkom
Vanaf ~~R6 900~~ R5 865 per nag (plek vir 8)

Beskrywing

Elements Private Golf Estate Lodge 197 is 'n privaat selfsorg-lodge in die Elements Privaat Gholfreservaat in die Waterberg. Die reservaat is net 2 ure se ry vanaf Johannesburg en 20 minute buite Bela-Bela.

Lodge 197 is geskik vir 8 gaste en beskik oor 4 slaapkamers en 4 en suite-badkamers. Die slaapkamers is in 2 vleuels aan weerskante van die hoofleefarea geleë. Drie van die slaapkamers het elk 'n koninggrootte-bed en die ander slaapkamer het 2 enkelbeddens. Daar is lugversorging, 'n en suite-badkamer met 'n stort en 'n bad, wasbak, asook 'n privaat buitestort in 4 van die slaapkamers. Gehaltelinne en badhanddoeke word voorsien.

Die hoofleefarea het 2 kaggels en 'n oopplan-kombuis en -sitarea. Die kombuis is met 'n stoof, oond, mikrogolf, yskas-vrieskas, eetgerei en breekware toegerus en daar is 'n toonbank met stoele. Verder is daar 'n skottelgoedwasser, wasmasjien en 'n tuimeldroër in 'n aparte opwasarea. Die sitarea het 'n gemaklike bank en 'n TV met die volle DStv-pakket.

Die leefarea lei na 'n onderdakstoep met stoepmeubels en 'n ingeboude braai. Daar is ook 'n boma met sitplek en 'n vuurput, 'n dek met sonstoele en 'n privaat swembad. Dié eenheid het 'n toesluitmotorhuis en daar is parkeerplek vir 4 voertuie.

Die reservaat het 'n US PGA-gholfbaan wat deur Peter Matkovich ontwerp is en daar word gereeld kompetisies gespeel. Koedoes, njalas, rooibokke, blouwildebeeste, sebras, blesbokke, rooihartbeeste en rooiribbokke loop vrylik hier rond en Lodge 197 spog met besonderse uitsigte oor die bosveld.

Kry ’n Kwotasie