Erinvale Estate Hotel & Spa

Hotel

Kapasiteit: 112 mense
Inkloktyd: 14:00 tot 23:00
Uitkloktyd: 10:00
Adres: Erinvalelaan 1, Somerset-Wes, 7130, Wes-Kaap
Alle ouderdomme is welkom
Vanaf R5 250 per nag, vir 2 mense

Beskrywing

Estate Hotel & Spa is die perfekte bestemming vakansiegangers of sakereisigers en is slegs 40 minute van Kaapstad af geleë. Erinvale Estate Hotel & Spa lok wynliefhebbers, gholfspelers, gesinne, spa-soekers en buitelug-entoesiaste na die hartjie van die Helderberg. Die eiendom is deur die majestueuse Hottentots Holland-berge omring en skuur skouers met van die Kaap se top wynplase - Vergelegen, Lourensford en Morgenster. Erinvale Estate Hotel & Spa is beide 'n luukse hawe en 'n ontspanne tuiste weg van die huis.

Die 56 kamers en suites is almal ruim, gerieflik en pragtig ingerig. Sommige het 'n privaat stoep of bied 'n uitsig op die berge. Daar is drie verskillende restaurant, naamlik Stefan's Restaurant, Oak Terrace en Magnolia Social Dining Lounge. Die uitvoerende sjef Stefan Bekker en sy span beloof om gaste 'n onvergeetlike ervaring te bied.

Erinvale bied 'n verskeidenheid konferensiekamers, oorgenoeg sitplek en die oorvloed van natuurlike lig maak dit die perfekte ruimte vir sakereisigers. Gaste kan hul konferensiepakkette verhef met 'n verskeidenheid spesiale byvoegings, insluitend geskenksakkies, jenewerproeë en spa-behandelings, 'n heerlike eetervaring of 'n tradisionele braai onder die sterre.

Erinvale Hotel se goed ingerigte Lurra Spa spog met 'n reeks terapeutiese velsorgprodukte en -behandelings in een van die 4 ruim behandelingskamers. Daar is ook 'n verhitte borrelbad of gaste kan op die sonstoele langs die swembad ontspan.

Gholf-entoesiaste kan toegang tot die aangrensende Gary Player-ontwerpte gholfbaan vir agtien putjies op die ongerepte setperke geniet. Die omliggende wynlandgoedere bied 'n magdom buitelug-ervarings insluitend bergfietsry- en staproetes, wêreldklas restaurante en bekroonde wyne, wat alles stapafstand van die hotel af is.

Kry ’n Kwotasie